Premer-mınıstr kásíbı merekesíne oraı metallurgterge Prezıdent atynan memlekettík nagradalar tabys ettí, - dep habarlaıdy aqshamnews.kz
Premer-mınıstr Oljas Bektenov «Metallurg kúní» kásíbı merekesíne oraı tau-ken metallurgıya salasynyń qyzmetkerleríne Prezıdent Qasym-Jomart Toqaevtyń atynan memlekettík nagradalardy tabys ettí.
Tau-ken metallurgıya keshení — ónerkásíptí damytudyń negízí. Táuelsízdík jyldarynda būl sala tūraqty ekonomıkalyq ósímge jáne áleumettík ál-auqattyń nyǵayuyna yqpal ettí. 2024 jyldyń qorytyndysy boıynsha el ekonomıkasyna qosqan úlesí 6,9%-dy qūrady. Búgínde salada 110 myńnan astam adam jūmys ísteıdí. Olardyń kúndelíktí jūmysy mashına jasau, qūrylys, mūnaı-gaz jáne energetıka salasynyń damuyna serpín beredí.
Oljas Bektenov metallurgıya salasyn damytu Úkímettíń basymdyqtarynyń bírí bolyp qala beretínín atap óttí. Óndírístí jańǵyrtu, jańa ken oryndaryn ıgeru jáne zamanauı tehnologıyalardy engízu boıynsha júrgízílíp jatqan jūmystar jalǵasatyn bolady.
Prezıdent jarıyalaǵan «Jūmysshy mamandyqtar jyly» ayasynda tau-ken metallurgıya kesheníníń eńbekkerleríne, onyń íshínde metallurgterge erekshe kóńíl bólínedí. Bıyl Memleket basshysy alǵash ret ekí jańa memlekettík nagrada – «Qazaqstannyń eńbek síńírgen kenshísí» jáne «Qazaqstannyń eńbek síńírgen ónerkásíp qaıratkerí» qūrmettí ataqtaryn taǵaıyndady.
Osy jyly barlyǵy tau-ken metallurgıya ónerkásíbíníń 600-ge juyq jūmysshysynyń eńbegí atap ótíldí. Olar – búkíl el boıynsha óndírís ozattary men eńbek ardagerlerí.
Memlekettík nagradalardy metallurgterge ónerkásíp jáne qūrylys mınıstrí, Astana jáne Almaty qalalaryndaǵy, Ūlytau jáne Abaı oblystaryndaǵy, Qaraǵandy, Pavlodar, Shyǵys Qazaqstan, Qyzylorda, Aqtóbe jáne Qostanaı oblystaryndaǵy óńír ákímderí tabys ettí.
Sala ókílderí Memleket basshysyna eńbekterín joǵary baǵalaǵany úshín alǵys bíldírdí. «Kazakhmys Smelting» JShS Jezqazǵan mys balqytu zauytynyń balqytushysy Bolat Aıdabolov būl marapat el ekonomıkasynyń negízí bolyp sanalatyn barlyq salanyń úlesín baǵalau ekenín atap óttí. «Qazaqmys korporatsıyasy» JShS flotatory Gúlbanu Jūmadíldına marapat – ūjymnyń bírlesken jūmysynyń nátıjesí ekenín aıtyp, Prezıdentke metallurgterdíń eńbegíne kóńíl bólgení úshín alǵysyn bíldírdí.