Premer-mınıstr Oljas Bektenov ótkízu beketterín jańǵyrtuǵa qatysty jıyn ótkízdí, - dep habarlaıdy Aqshamnews.kz tílshísí.
Qarjy mınıstrlígí bıylǵy josparda Eurazıyalyq ekonomıkalyq odaqtyń syrtqy shekaralaryndaǵy (QHR, Ózbekstan Respublıkasy, Túríkmenstan) 9 ótkízu beketín rekonstruktsıyalau jūmystary tūrǵanyn aıtty. Búgínde olardyń 4-euínde, yaǵnı Qaplanbek, Atameken, Qaljat jáne Alakól beketterínde jūmystar ayaqtaldy. Bes nysandy jańǵyrtu jūmystary jyl sońyna deıín óz máresíne jetpek.
"Jíbek joly" jolaushylar ótkízu beketín rekonstruktsıyalau jospardan tys júrgízíp jatyr, 2026 jyly bírínshí jartyjyldyqta ayaqtalady dep kózdelíp otyr.
Bayandamalardy tyńdaǵan premer-mınıstr keden qyzmetíníń, sondaı-aq, Reseı Federatsıyasy men Qyrǵyzstan Respublıkasy shekaralaryndaǵy avtomobıl ótkízu beketterín jóndeu merzímderí keshíktíríluíne baılanysty salalyq mınıstrlíkter jūmysyn synǵa aldy.
Oljas Bektenov QR Qarjy mınıstrlígí Memlekettík kíríster komıtetí men QR Kólík mınıstrlígí Avtomobıl joldary komıtetíníń tóraǵalaryn jūmystaryn tıístí deńgeıde ūıymdastyrmaǵany úshín jauapkershílíkke tartudy tapsyrdy.
Sonymen qatar, mınıstrlíkterdíń jauapty basshylary jergílíktí jerlerde jūmysty úılestíru úshín óńírlerge jíberíldí. Keden qyzmetíníń kadr qūramyna, ásírese, ótkízu beketteríne qatysty talaptardy qatańdatu, sondaı-aq, jabdyqpen jaraqtandyru jáne ınternet jelísíne qoljetímdílíktí qamtamasyz etu máselelerí boıynsha míndetter qoıyldy.
Kólík, qarjy mınıstrleríne ótkízu beketterín rekonstruktsıyalau barysy turaly premer-mınıstrge apta saıyn esep beru tapsyryldy.