Májilis depýtaty Elnur Beısenbaev áleýmettik-kásipkerlik korporasıalardyń biriniń basshylyǵy bir jylda 14 syıaqy jalaqy alǵanyn aıtty, - dep habarlaıdy aqshamnews.kz tilshisi.
"Aqjaıyqtyń" ÁKK basshylyǵy bir jylda 14 premıaldyq oklad aldy. Árıne, bul Joǵary aýdıtorlyq palata anyqtaǵan jerge qatysty mahınasıalar boıynsha "erekshe nátıjeler" úshin tólengen syıaqy shyǵar", – dedi depýtat.
Onyń aıtýynsha, sońǵy bes jylda ÁKK-larǵa 528 mlrd teńge bólingenimen, tekserilgen 13 korporasıanyń 8-i 209 mlrd teńge shyǵynǵa batqan.
"Naqty qansha jumys orny ashyldy, halyq qandaı paıda kórdi – buǵan naqty jaýap joq", – dedi Beısenbaev.
Májiliste sóz alǵan Álıhan Smaıylov ta ÁKK-lardyń naqty maqsaty men damý modeli joq ekenin aıtyp, memlekettik qoldaýǵa qaramastan, olardyń kópshiligi áli de shyǵynmen jumys istep otyrǵanyn jetkizdi.