Bas múftı «Múftıyat úzdígí – 2025» ıegerlerín marapattady

Qazaqstan mūsylmandary dínı basqarmasynyń qorytyndy Tóralqa májílísí barysynda «Múftıyat úzdígí – 2025» nomınatsıyasymen marapattau rásímí óttí, - dep habarlaıdy Aqshamnews.kz Múftıyatqa sílteme jasap. 

Saltanatty sharaǵa Bas múftı Nauryzbaı qajy Taǵanūly arnaıy qatysyp, nomınatsıya ıegerlerín marapattady.

«Búgíngí mereıtoı – Dínı basqarmanyń ǵana emes, kúllí mūsylman jamaǵatynyń ortaq quanyshy. Būl – ımandylyqtyń, ízgílíktíń, el bírlígíníń merekesí. Alla Taǵala osy qara shańyraqtyń írgesín berík, órísín keń etsín! Barsha dín qyzmetkerleríne, osy jolda eńbek etíp júrgen áríptesterge Alla razy bolsyn! Búgín «Múftıyat úzdígí» atanyp jatqan barsha bauyrlarymdy, áríptesterímdí shyn júrekten qūttyqtaımyn. Būl – jyldar boıy jasaǵan jūmystaryńyzdyń jemísí dep sanaımyn. Eń bastysy Allanyń marapatyna ıe boludy jazǵaı. Elímíz aman, jūrtymyz tynysh, Táuelsízdígímíz tūǵyrly bolǵaı!Alla Taǵala Dínı basqarmanyń qyzmetíne bereke beríp, halqymyzdyń ruhanı damuyna mol ıgílík násíp etsín! Áumın!», - dedí QMDB Tóraǵasy.

Aıta keteıík, Qazaqstan mūsylmandary dínı basqarmasynyń 35 jyldyq mereıtoıyna oraı 35 nomınatsıyasy boıynsha úzdíkter marapattaldy.

1. «Úzdík qala ımamy» - Omarov Nūrseıít Ábdímútálíūly. Pavlodar oblysy, «Ekíbastūz» qalalyq meshítíníń bas ımamy
2.  «Úzdík audan ımamy» - Erímbet Edílbek Talqanbaıūly. Jetísu oblysy, Kóksu audandyq "Balpyq bı" meshítíníń bas ımamy.
3.  «Úzdík auyl ımamy» - Ahmet Berík Hamıtūly. Qostanaı oblysy, Qostanaı audany, Altyn dala auylynyń moldasy
4.  «Úzdík naıb ımam» - Hūmar Qonyskereı. Qaraǵandy oblystyq «Ánet baba» meshítínde bírínshí naıb ımamy
5.  «Úzdík meshít azanshysy» - Meıírbek Quanǵalı Sadyqov. ShQO Marqakól meshítíníń azanshysy
6.  «Úzdík ardager ımam» - Rysbaı Daırabaı Seríkbaıūly. Qyzylorda oblystyq «Aqmeshít-Syrdarıya» meshítíníń ūstazy
7.  «Jyl uaǵyzshysy» - Asga Yunus Qadyrqūlūly. Mańǵystau oblysy, Túpqaraǵan audany, Aqshūqyr meshítíníń ımamy 
8.   «Úzdík ońaltushy» - Qabdysalym Raqymqazy. Astana qalasy, «Ázíret Sūltan» meshítíníń ūstazy 
9. «Úzdík ūstaz» - Ákímov Rınat Nūrlanūly. BQO, Oral qalasy, «Tájıden Batyrūly» meshítíníń ūstazy
10. «Úzdík ūstaz» - Ábıeva Eńlík Mūratqyzy. «Túrkístan-Ahmet Yassauı» ortalyq meshítíníń ūstazy 
11. «Úzdík auyl meshítí» - Almaty oblysy, Talǵar audany, «Dostyq» auyldyq meshítí
12. «Úzdík audan meshítí» -  Jambyl oblysy, Qordaı audandyq meshítí
13. «Úzdík qala meshítí» - Aqmola oblysy, Etekbaı molda  meshítí
14. «Úzdík meshít tazalyqshysy»  - Tóleuqyzy Aıjan. Abaı oblysy, Úrjar audandyq meshítíníń tazalyqshysy
15. «Úzdík esepshí» - Eńsepov Ahmetjan. Atyrau oblysy ókíldígíníń bas esepshísí 
16. «Úzdík dínı saıt» - Nurgasyr.kz saıty (Aqtóbe oblystyq ókíldígí)
17. «Úzdík áleumettík jelídegí paraqsha» - @nur_mubarak.meshyty ınstagram paraqshasy (Nūr-Múbárak meshítí, Almaty qalasy) 
18. «Úzdík pátua mamany» - Shūǵaı Yusúpbek. Qaraǵandy oblysy
19. «Úzdík qajylyq gıdí» - Baımenov Ábílqaıyr Yakovūly. Almaty oblysy, Talǵar audany, Besqaınar meshítíníń ımamy
20. «Úzdík Nūr-Múbárak ūstazy» - Esímqūlov Ernar Nūrmanbetūly. «Díntanu» kafedrasynyń aǵa oqytushysy 
21. «Nūr-Múbárak úzdík shákírtí» - Ospanov Aıbar Jankeldíūly. «Islamtanu» mamandyǵynyń 4-kurs studentí 
22. «Úzdík ınstıtut ūstazy» - Manabaev Baǵdat Mahanūly. «Husamuddın as-Syǵanaqı ıslam ınstıtuty»
23. «Úzdík medrese ūstazy» - Sarekeev Ómírbek Qoǵambekūly. Shymkent medrese-kolledjí 
24. «Medrese úzdík shákírtí» - Ayubaı Nūrmūhammed Kóptíleuūly. Astana medrese-kolledjíníń shákírtí
25. «Úzdík qarılar ortalyǵy» - Almaty qalasy, «Kók Tóbe» qarılar daı̆yndau ortalyǵy
26. «Úzdík qarı ūstaz» -Kamıljan qarı Sadyqov.  Shymkent qalasy
27. «Úzdík halal kásíporyn» - «Sarybas» shūjyq óndírísí (Jambyl oblysy) 
28. «Uaqyp úzdígí» -  Esengeldıev Eraly. Shymkent qalalyq ókíldígí 
29. «Úzdík Qamqor Sharapat ortalyǵy»  - Orazov Ǵınıyat Ǵabdyqadyrūly (Astana qalasy)
30. «Úzdík zeket qyzmetkerí»  - Túsípbekov Asylhan. Qaraǵandy oblystyq ókíldígí
31. «Úzdík televızıyalyq joba» - «Imamnyń bír kúní» baǵdarlamasy. Avtory: Meruert Nūrqasym (Almaty qalasy)
32. «Úzdík ís basqarushy» - Tūrlybekov Álímhan Nūrmahanūly. Túrkístan oblysy
33. «Úzdík múftıyat qyzmetkerí» - Nūrbek Áueshanūly Esmaǵanbet. QMDB Dín men dástúr bólímíníń meńgerushísí 
34. «Tórt baǵyt úzdígí» - Almaty qalalyq ókíldígí
35. «Úzdík ókíldík» -  Astana qalalyq ókíldígí