Qazaqstan Respublıkasy Ūlttyq Bankíníń Ūlttyq tólem korporatsıyasy (ŪTK) Óńírlík kommunıkatsıyalar qyzmetínde jyldam árí qauípsíz audarym men tólem jasau úshín bankterdíń basyn qosqan jańa ınfraqūrylymdyq platforma – bankaralyq mobıldí tólem júıesín (MTJ) kópshílíkke tanystyrdy, - dep habarlaıdy Aqshamnews.kz.
Qazaqstannyń Ūlttyq Bankímen bírlesíp qolǵa alǵan būl bastama ūlttyq tsıfrlyq qarjy júıesíníń mańyzdy elementí bolyp otyr.
MTJ ekí negízgí qyzmettí qamtıdy:
• telefon nómírí arqyly bankaralyq audarym (C2C – customer to customer);
• QR-kod arqyly bankaralyq tólem (C2B – customer to business).
Telefon nómírí arqyly aqsha audaru - paıdalanushyǵa alushy taraptyń bankyn kórsetíp, telefon nómírín ǵana jazyp aqsha jíberuge múmkíndík beredí. MMTJ arqyly jíberushí bank shottyń bar-joǵyn tekseríp, audarymdy bíryńǵaı bankaralyq standarttar boıynsha íske asyrady.
Bankaralyq audarym alǵash 2025 jyldyń mamyrynda jasaldy. Qazír būl qyzmetke 8 bank qosylǵan. Olar: Halyk Bank, Bank TsentrKredıt, Freedom Bank, Home Credit Bank, RBK, Nūrbank, Fortebank pen Altyn Bank.
Bankaralyq QR 2025 jyly 30 qyrkúıekte íske qosyldy. Qazír būl qyzmetkke 6 bank qosylyp otyr. Olar: Bank TsentrKredıt, Freedom Bank, Home Credit Bank, RBK men Altyn Bank. Halyk Bank pılottyq rejımnen ótkízíp jatyr, jyl sońyna deıín tolyq íske qosylady dep josparlanyp otyr.
«Servıs kez kelgen banktíń mobıldí qosymshasy arqyly tauar men qyzmettí tóleuge múmkíndík beredí. Bıznes endí bírneshe termınal ornatyp áure bolmaıdy būrynǵydaı. Júıe dınamıkalyq jáne statıkalyq QR-dy qoldaıdy, síltemelík format pen antıfrod qorǵanysyn da qoldanady, būl rekvızıtterdíń auysyp ketuíne de jol bermeıdí», – deıdí ŪTK tólem júıesín damytu departamentíníń dırektory Raıymbek Shaımerdenov.
Júıeníń ekonomıka men azamattarǵa beretín artyqshylyǵy:
• Yńǵaılylyq pen jyldamdyq. Bankke táueldí bolmaı, telefon nómírí men QR-kod arqyly op-ońaı tólem jasap, aqsha audarasyz.
• Tsıfrlyq ekonomıkanyń ósuí. Júıe aqsha aınalymyn tezdetíp, qolma-qol aqshaǵa táueldílíktí azaıtady, ásírese ShOB-ke tıímdí.
• Bank básekelestígín damytu. Bankter klıenttíń adaldyǵyn arttyryp, tranzaktsıya bazasyn keńeıtíp, jańa tsıfrlyq óním jasaı bastaıdy.
• Qarjylyq qoljetímdílík jáne qauípsízdík. Júıe tólem qyzmetíne teń qoljetímdílíktí qamtamasyz etedí, antıfrod-baqylau arqyly alayaqtyqty tyıyp, aqshasyz ekonomıkaǵa kóshudí qoldaıdy.
«Qazaqstan bankterí júıege kezeń-kezeńímen qosyla bastaıdy endí, būl odan da kóp klıenttíń yńǵaıly árí qauípsíz bankaralyq tólem men audarym jasauyna sep bolady», – deıdí Ūlttyq tólem korporatsıyasynyń mamandary.