Túrkístan oblysynda úı órteníp, saldarynan 12 adam qaza tapty. Kórshílerí qaıǵyly oqıǵa turaly aıtty, - dep habarlaıdy aqshamnews.kz tílshísí otyrar.kz-ke sílteme jasap.
Jetísaıda bolǵan alapat órtten qaza tapqandardyń barlyǵy - bír áulettíń múshelerí.
"Olar úsh aǵaıyndy. Áulet múshelerí kórshí auyldaǵy aǵasynyń ūlynyń súndet toıynan kele jatyp, Alǵabas auylyndaǵy tuystarynyń úıíne túnegen. Tún ortasynda 360 sharshy metrlík ekí qabatty kottedj otqa oranyp, 12 adam kóz jūmdy. Órt saldarynan úı ıesí men onyń otbasy múshelerí qaza tapty", - dep jazylǵan basylym málímetínde.
Kórshílerí oqıǵa qalaı bolǵanyn aıtty.
"Tańǵy saǵat 5:05-te kórdím. Kelínshegí "apa, járdemdesíńízdershí" dep aıqaılap tūr eken. Syrtqa shyǵa almaı tūrdy. Kórshílerge júgírdím. Ot qyp-qyzyl bolyp janyp jatyr eken. Bíreuí oyandy, bíreuí oyanbady. Balamdy oyattym, bíreuín alyp shyqty. egízdíń bíreuín kórdím, shashy kúıíp ketken", - deıdí Qanaıym Júnísova.
Oqıǵanyń mán-jaıy
Túrkístan oblysy Tótenshe jaǵdaılar departamentíníń málímetínshe, 18 qarashada tańerteń Jetísaı audanyna qarasty Alǵabas auylyndaǵy ekí qabatty jeke tūrǵyn úıden órt shyqqany turaly habar túsken.
Oqıǵa ornyna jetken órtsóndírushíler kelgen sátte úı tolyqtaı órtke oranǵany anyqtalǵan. Órttí sóndíru jáne barlau kezínde úıden es-tússíz jatqan úsh adam evakuatsıyalanyp, jedel járdem brıgadasyna tapsyryldy.
"Úıdíń íshínen 12 adamnyń máıítí tabyldy, olardyń toǵyzy – bala", – delíngen TJD habarlamasynda.
Kórshílerdíń aıtuynsha, oqıǵa bolǵan úıde qonaqtar bolǵan, sebebí aldyńǵy kúní úı ıelerínde ís-shara ótken. Órt 360 sharshy metr aumaqta tolyq sóndíríldí.
Qazír oqıǵa ornynda barlyq jedel qyzmet jūmys ístep jatyr. Órttíń shyǵu sebebí anyqtalyp jatyr, tergeu bastaldy.
Úkímet pen Túrkístan oblysynyń ákímíne zardap shekken azamattardyń tuǵan-tuystaryna barlyq qajettí kómek kórsetíp, qaıǵyly oqıǵany jan-jaqty tekserudí tapsyrdy.