Kásibı mereke qarsańynda qalanyń birqatar dárigerleri men epıdemıologtary Almaty qalasy ákiminiń alǵys hattarymen marapattaldy.
Medısına qyzmetkerlerin quttyqtaı otyryp, B. Saǵyntaev olardyń koronavırýs pandemıasymen kúresýge qosqan úlesin atap ótti. Dárigerler men sanıtarlyq-epıdemıologtar qala turǵyndarynyń ómiri men densaýlyǵyn saqtaý úshin táýlik boıy tynbaı jumys istedi. Sonyń arqasynda qala pandemıanyń soqqylarymen kúresip, qazir jaǵdaı turaqtaldy.
Medısınalyq qyzmet sapasyn arttyrý jáne dıagnostıkalyq jáne medısınalyq kómek kórsetýdi ýaqytynda kórsetý – dárigerler men qala ákimdiginiń ortaq mindeti. Sońǵy eki jylda medısınalyq mekemelerdiń materıaldyq-tehnıkalyq bazasy edáýir jaqsardy. Kóptegen jyldar ishinde alǵash ret aýrýhanalarda medısınalyq gazdar júıesi ornatyldy, aǵyndy sýlardy zalalsyzdandyrý jáne medısınalyq qaldyqtardy joıý júıeleri ornatylýda.
Biliktilikti arttyrý jáne kadr tapshylyǵyn azaıtý máseleleri sheshilýde. Medısınalyq óte qajet mamandyqtar boıynsha rezıdentýrada oqýǵa 120 grant bólý qarastyrylǵan. Ótken jyly 35 jasqa deıingi 300 medısınalyq qyzmetker «Almaty jastary» baǵdarlamasy boıynsha jeńildikpen nesıe alyp, baspana satyp aldy.
Almaty 30 myńǵa jýyq medısınalyq jáne ǵylymı qyzmetkerler jumys jasaıtyn ǵylymı-zertteý ınstıtýttary men ortalyqtary, medısınalyq bilim berý uıymdary, qalalyq, respýblıkalyq, vedimistik, jeke klınıkalar shoǵyrlanǵan medısınany damytý ortalyǵy bolyp qala beredi.
B. Saǵyntaev Almatydaǵy barlyq ǵylymı jáne medısınalyq uıymdardyń ujymdaryna densaýlyq pen amandyq tiledi, sonymen qatar almatylyqtardyń ómiri men densaýlyqtaryn saqtaý jolyndaǵy janqıarlyq eńbekteri úshin rızashylyǵyn bildirdi.