Azyq-túlik baǵasy tómendegen - statısıka

Ulttyq statısıka búrosy ınflásıa týraly málimetterdi jarıalady, - dep habarlaıdy Aqshamnews.kz tilshisi.

2025 jylǵy jeltoqsandaǵy aılyq ınflásıa deńgeıi 0,9%. Azyq-túlik taýarlarynyń baǵasy – 1,2%, azyq-túlikke jatpaıtyn taýarlardiki – 0,7%, aqyly qyzmetter 0,6% ósti.

Ótken aıda apelsın baǵasy 2,6%, sábiz – 2%, qant – 1,3%, jumyrtqa 0,1% tómendedi. Al konsentrattalǵan sút – 2,1%, qatty irimshik – 1,8%, kókónis shyryndary 1,6% qymbattady.

Jekelegen dári-dármekterdiń baǵasy tómendedi: sýprastın – 18,5%, enap – 5,2%, kanefron – 1,4%, ıodomarın men azıtromısın – árqaısysy 0,9%-dan. Avtomobılder – 0,4%, elektr quraldary 0,9% arzandady. Smartfondar – 0,9%, jeke gıgıena taýarlary 1,1% qymbattady.

Komýnaldyq qyzmetter arasynda sý burý tarıfteri 2,4%, sýyq sý – 0,9% tómendedi. Bir aı ishinde taksı qyzmetteri 1,8%, monshaǵa barý – 2,1%, kınoteatr qyzmetteri – 2,9% qymbattady.

2025 jylǵy jyldyq ınflásıa 12,3%. Jeltoqsanda azyq-túlik taýarlarynyń jyldyq deńgeıi – 13,5%, azyq-túlikke jatpaıtyn taýarlardiki – 11,1%, aqyly qyzmetterdiki 12% ósti.

Azyq-túlik taýarlary arasynda jyldyq mánde baǵa qyzanaqqa – 7,9%, kúrishke – 4,8%, qıarǵa – 4,7%, tátti buryshqa – 2,7%, keptirilgen órikke 2% tómendedi. Kerisinshe júzim – 7,7%, kók shaı baǵasy 7,9% ósti.

Azyq-túlikke jatpaıtyn taýarlar arasynda aıaq kıimge jaǵatyn krem baǵasy 10,8%, santehnıkalyq qospalaýysh – 8,5%, elektr burǵysy 6,6% qymbattaǵan.

2025 jyl ishinde turǵyn úı-kommýnaldyq qyzmetter salasynda sýyq sý tarıfteri 13,1% tómendedi. Aıaq kıim jóndeý baǵasy – 10,1%, poshta qyzmetteri – 8,9%, avtosaqtandyrý 6,5% ósti.

Óńirler arasynda jyldyq ınflásıanyń tómen deńgeıi Almaty qalasy men Qostanaı oblysynda – 11,7%, sondaı-aq Abaı, Jambyl jáne Batys Qazaqstan oblystarynda baıqaldy – 11,8% deńgeıinde.

*2025 jylǵy qańtardan bastap tutyný baǵalarynyń ındeksin eseptegende azyq–túlik taýarlarynyń úlesi – 40%, azyq-túlik emes taýarlar – 30,3%, aqyly qyzmetter 29,7%.

Inflásıa deńgeıin sıpattaıtyn tutyný baǵalary ındeksiniń kórsetkishi aı saıyn esepteledi. Baqylaýlar qyzmetter men taýarlardyń tarıfteri men baǵalary – barlyǵy 508 pozısıa boıynsha júrgiziledi. Inflásıa boıynsha dınamıkalyq ózgeristerdi 2018 jyldan bastap kórsetkishter qamtylǵan arnaıy ázirlengen ınteraktıvti dashbordta kórýge bolady.

*2025 jylǵy qańtardan bastap tutyný baǵalarynyń ındeksin eseptegende azyq–túlik taýarlarynyń úlesi –   40,0%, azyq-túlik emes taýarlar – 30,3%, aqyly qyzmetter 29,7%.