Áuejaıda ūshuǵa deıíngí tekserísten ótu kezínde ayaq kıímdí nege sheshu keregín kópshílík túsínbeı jatady, dep habarlaıdy aqshamnews.kz Tengritravel.kz-ke sílteme jasap.
Eger ayaq kıím kıímníń bír bólígí bolsa jáne kúmán tudyrmasa, nege sheshu kerek?
Būl sūraqqa Astana áuejaıynyń PR qyzmetíníń jetekshísí Nauat Aıtuǵanova jauap berdí.
Onyń aıtuynsha, būl jaı ǵana talap emes, álemníń kóptegen áuejaıynda qoldanylatyn avıatsıyalyq qauípsízdík sharasy.
"Álemníń kóptegen áuejaıynda jolaushylardan tekserís kezínde ayaq kıímdí sheshudí sūraıdy. Kóp adamǵa būl artyq sıyaqty kórínuí múmkín, alaıda būl shara avıatsıyalyq qauípsízdíkpen baılanysty. Keıde dál ayaq kıímníń íshínde tyıym salynǵan zattar jasyryluy múmkín, al olardy standartty skanerlermen anyqtau árdaıym ońaı bola bermeıdí. Qalyń taban, jasyryn metall elementter nemese qosymsha bólshekter sapaly tekseruge kedergí keltíruí múmkín", – dep túsíndírdí ol.
Maman būl tájírıbe alǵash ret 2001 jyldyń jeltoqsanynda engízílgenín atap óttí.
"Būl tájírıbeníń tarıhy 2001 jyldyń jeltoqsanynda brıtandyq Rıchard Reıd esímdí azamat ūshaqqa jarylǵysh zatty ayaq kıímíníń tabanyna jasyryp alyp ótpek bolǵan kezden bastalady. Onyń jospary júzege aspady, bíraq būl oqıǵa búkíl álemdegí qauípsízdík qyzmetterí úshín betbūrys sátíne aınaldy. Sodan berí ayaq kıímdí tekseru kóptegen elde míndettí sharaǵa aınaldy", – dep tolyqtyrdy maman.
Ol qazírgí qauípsízdík júıelerí kóptegen jyldardaǵy tájírıbe men naqty qauípterdí taldaudyń nátıjesí ekenín atap óttí.
"Ayaq kıímdí sheshíp, tekserísten ótu sıyaqty qarapaıym áreketter – barlyq jolaushynyń qauípsízdígín qamtamasyz etuge kómektesedí. Būl – eríkkendíkten emes, tájírıbege súıeníp, múmkín qauípterdíń aldyn alu úshín qajet shara", – dep túıíndedí ol.
Sondyqtan, eger tekserís kezínde sízden ayaq kıímíńízdí sheshudí sūrasa, renjímeńíz jáne mūny ūsaq-túıekke balamańyz. Būl – barsha jolaushylardyń qauípsízdígín qamtamasyz etuge baǵyttalǵan standartty protseduralardyń bír bólígí.