Parıjdegi Sharl de Goll áýejaıynda qar jaýýyna baılanysty shamamen 100 reıs, al Orlı áýejaıynda 40-qa jýyq reıs toqtatyldy, - dep habarlaıdy Aqshamnews.kz.
Bul týraly Fransıanyń kólik mınıstri Fılıpp Tabaro málimdedi.
Onyń aıtýynsha, Parıjde qolaısyz aýa raıy saqtalýyna baılanysty reısterdiń toqtatylýy bir kún buryn-aq kútilgen. Ushý-qoný jolaqtaryn qardan tazalaý jáne ushaqtardy muzdan aryltý jumystaryna baılanysty bul sharalar Sharl de Goll áýejaıynda tańǵy 9:00-den 14:00-ge deıin josparlanǵan reısterdiń shamamen 40 paıyzyna, al Orlı áýejaıynda tańǵy 6:00-den 13:00-ge deıingi reısterdiń 25 paıyzyna áser etken.
Qar men kóktaıǵaq Fransıanyń soltústik-batysyndaǵy keń aýmaqta avtokólik, áýe jáne temirjol qatynasynyń, sondaı-aq qoǵamdyq kóliktiń jumysyna kedergi keltirdi. Eldiń 38 departamentinde qaýiptiń "qyzǵylt sary" deńgeıi jarıalanǵan.
Búkil Fransıa boıynsha jol keptelisteriniń jalpy uzyndyǵy 1 600 shaqyrymnan asty, onyń ishinde Il-de-Frans óńirinde shamamen 950 shaqyrymdy quraıdy.