Atyrau oblysynyń Esbol auylynda mektep qūrylysy bes jylǵa sozylyp barady. Kelísímshart boıynsha bílím oshaǵy 2022 jyly paıdalanuǵa beríluge tıís edí. Alaıda merdígerdíń jauapsyzdyǵynan qūrylys toqtap qalǵan, - dep habarlaıdy aqshamnews.kz tílshísí 24.kz-ke sílteme jasap.
Esbol auylynyń tūrǵyndary būl mektep qūrylysynyń ayaqtaluyn bes jyl boıy kútíp júr. Alǵash qolǵa alǵan merdíger jūmysty jartylaı jasap tastap ketken. Bıyl qūrylys basqarmasynyń aralasuymen jūmys qaıta jandandy. Jańa merdíger nysandy úshínshí oqu toqsanyna tapsyramyz dep otyr.
"Qazír jūmys 80 paıyzǵa bítíp tūr. Qalǵan syrtqy qasbet jūmystaryn jasap jatyrmyz jáne bardyur, syrtqy oıyn alańdaryn salyp jatyrmyz. Íshte de álí jūmystar júríp jatyr. Kafel japsyru jūmystary bar", - dedí qūrylys uchaskesíníń bastyǵy Nūrjan Halıdullın.
Auyldaǵy úsh mektepte 800-deı oqushy bílím alady. Onyń bíreuí 2020 jyly apatty dep tanylǵan. Alaıda balalar sol eskí ǵımaratta sabaq oqyp júr. Sondyqtan jańa 300 oryndyq mektep auyl úshín aıryqsha mańyzǵa ıe.
"Būl mektep zamanauı qūrylys talaptaryna saı salynyp jatyr. Mūnda úlken synyp bólmelerí, oqu zerthanalyq bólmeler, sport zaldar, ashana zaman talaptaryna saı salynyp jatyr. Osy mektebímíz bítse, auyl halqyna jáne oqushylarǵa úlken jaǵdaı jasalady", - dedí Esbol auyldyq okrugí ákímíníń orynbasary Erbolat Sábírov.
Sonymen qatar merdígerlerdíń jauapsyzdyǵynan Inder kentíndegí mekteptíń qūrylysy sozylyp barady. Kelísímshart talaptaryn oryndamaǵandar ísí sotqa joldanǵan.
"Sot sheshímíne sáıkes merdígermen kelísímshartty tolyqtaı būzǵan bolatynbyz. Sonymen qatar, árí qaraı jūmystardy jalǵastyru úshín onyń jobalaryn míndettí túrde qaıta esepteu kerek boldy. Sol sebepterge baılanysty mekteptíń jalpy kontseptsıyasyn, syrtqy kelbetín jáne de íshkí jabdyqtaryn tolyqtaı ózgertíp, jobany qaıta jasadyq", - dedí qūrylys, sáulet jáne qala qūrylysy basqarmasynyń basshysy Nūrbergen Qūsaıynov.
Atyrau oblysy úshín mektep máselesí álí de ózektí. Qazír balalar bes bílím oshaǵynda úsh auysymda oqıdy. Osyǵan oraı, 19 mekteptíń qūrylysy bastalǵan. Altauynyń qūrylysy kesteden keshígíp jatyr. Jergílíktí bılík ókílderí merdíger mekemelerge talapty kúsheıttí. Jyl ayaǵyna deıín tórt mektep qoldanysqa beríluge tıís.