Qyrǵyz Respýblıkasy prezıdentiniń resmı saıtynyń málimetinshe, Qyrǵyz Respýblıkasynyń prezıdenti Sadyr Japarovtyń jarlyǵymen Almazbek Sharshenuly Atambaev Qyrǵyz Respýblıkasynyń kelesi memlekettik nagradalarynan aıyryldy:
Qyrǵyz Respýblıkasynyń eń joǵary erekshelik dárejesi "Qyrǵyz Respýblıkasynyń Batyry" ataǵy;
II dárejeli "Manas" ordeni;
"Danaker" ordeni;
"Dank" medali.
Sondaı-aq qaýlyda kelesi jarlyqtardyń kúshi joıylǵany aıtylǵan:
Qyrǵyz Respýblıkasy prezıdentiniń "A.Sh.Atambaevqa "Dańq" medalin berý týraly" 1999 jylǵy 22 sáýirdegi № 106 Jarlyǵy;
Qyrǵyz Respýblıkasy prezıdentiniń "A.Sh.Atambaevqa "Danaker" ordenin berý týraly" 2007 jylǵy 27 qarashadaǵy № 518 Jarlyǵy;
Qyrǵyz Respýblıkasy prezıdentiniń "Respýblıkanyń memlekettik jáne qoǵam qaıratkerlerin memlekettik nagradalarmen marapattaý týraly" 2011 jylǵy 30 qarashadaǵy № 311 Jarlyǵynyń úshinshi abzasy;
Qyrǵyz Respýblıkasy prezıdentiniń "A.Sh.Atambaevqa "Qyrǵyz Respýblıkasynyń Batyry" eń joǵary erekshelik dárejesin berý týraly" 2017 jylǵy 27 qarashadaǵy № 1 Jarlyǵy.
"Qyrǵyz Respýblıkasy Bas prokýratýrasy janyndaǵy Sot oryndaýshylary qyzmeti belgilengen tártippen Qyrǵyz Respýblıkasynyń memlekettik nagradalaryn jáne osy jarlyqtyń 1-tarmaǵynda kórsetilgen ilespe qujattardy keıinnen memlekettik nagradalar qoryna aýdarý úshin tárkileý sharalaryn qabyldasyn", - delingen jazbada.
Jarlyq qol qoıylǵan kúnnen bastap kúshine enedi.