«Astana Arena» stadıonynda 9 jeltoqsanda ótetín Chempıondar lıgasynyń «Qaırat» – «Olımpıakos» oıynyna oraı kórermender úshín qosymsha avtobustar reısí ūıymdastyrylady, dep habarlaıdy Aqshamnews.kz tílshísí.
Qala ákímdígíníń málímetínshe, match kúní stadıon baǵytyna shamamen 25 avtobus shyǵady.
Avtobustar myna tūraqtardan júredí:
-
«Qalalyq tsırk» avtotūraǵy;
-
«Ázíret Sūltan» meshítíníń avtotūraǵy;
-
«Qazaqstan» sport kesheníníń avtotūraǵy;
-
Ortalyq park avtotūraǵy;
-
«Bas meshít» avtotūraǵy.
Qoǵamdyq kólík saǵat 18:00-de qozǵalysty bastaıdy, stadıonǵa deıín jáne kerí baǵytta qatynaıdy. Jankúıerlerge jınaqtalu oryndaryna 17:30-ǵa deıín kelu ūsynylyp otyr.
Ákímdík deregínshe, match barysynda Astana qalasynyń polıtsıya departamentí qauípsízdík sharalaryn kúsheıtedí. Qoǵamdyq tártíptí saqtau úshín shamamen 2800 polıtsıya qyzmetkerí, onyń íshínde patruldík jasaqtar, uchaskelík ınspektorlar jáne kınologtar tartylady.
Sonymen qatar Qabanbaı batyr dańǵyly men Tūran dańǵylynda kólík qozǵalysyna shekteu engízílmeıtíní atap ótíldí.
Polıtsıya tūrǵyndar men qonaqtarǵa qoǵamdyq tártíptí būzbaudy, qūqyq qorǵau organdary qyzmetkerleríníń talaptaryn oryndaudy jáne matchqa qauípsíz árí qolaıly jetu úshín ūıymdastyrylǵan avtobustardy paıdalanudy ūsynady.