QR Táuelsízdígíníń 30 jyldyǵy men elordanyń tuǵan kúníne oraı Almatyda bes sauda orny ashyldy. Ashylu saltanatyna Jetísu audanynyń ákímí Gúlnár Kókebaeva, Almaly audany ákímíníń orynbasary Erden Haırullın, Bostandyq audany ákímíníń orynbasary Janar Sáduaqasova, Almaty qalasy kásípkerlík basqarmasynyń orynbasary Qanat Saǵyndyqov, bazar dırektorlary men kásípkerler qatysty.
Almaly audanynda jańartylǵan «Kárím» bazarynda 76 jańa jūmys ornyn ashu josparlanyp otyr, onyń jalpy audany 20 000 sharshy metr. Bazarda ártúrlí segmenttegí tauar bar. Sauda oryndarynyń sany 400, ınvestıtsıya somasy 300 mln.teńge.
Jetísu audanyndaǵy «Rahat» bazarynyń jalpy audany 20 000 sharshy metr, bazarda bolashaqta 600 jūmys orny ashylmaq. Bazarda kıímnen bastap balyq aulauǵa qajettí tauarlardyń barlyǵy satylady. Sauda oryndarynyń sany 600, ınvestıtsıya somasy 2 mlrd.teńge.
Altynnan jasalǵan būıymdar, kıímder men túrlí tauardy Jetísu audanyndaǵy jańa «Alatau-1» bazarynyń 4 blogynan tabuǵa bolady. Jalpy audany 10 000 sh.m, sauda oryndarynyń sany 400, ınvestıtsıya somasy 800 mln. teńgení qūraıdy.
Jetísu audanyndaǵy «Keremet» bazarynyń jalpy audany 16 000 sharshy metr bolady, ol 400 adamdy jūmyspen qamtymaq. Jobaǵa 300 mln teńge ınvestıtsıyalandy.
Sondaı-aq, Astana kúníne oraı Almaty qalasynyń Nauryzbaı jáne Almaly audandarynda "Magnum" gıpermarketí, Bostandyq audanynda "ToıMart" supermarketí, Túrksíb audanynda "Sulpak" dúkení jáne Bostandyq audanynda ornalasqan "Kosmos" írí sauda jáne oıyn-sauyq keshení ashylmaq.
2019-2020 jyldary 16 bazardyń jańartu jūmystary bastaldy, qazír 10 bazarda qūrylys jūmystary júríp jatyr, 6 bazardyń jobasy daıyndaluda. Investıtsıyalardyń jalpy somasy 17 mlrd. teńgeden asady, ol 1,5 myń jańa jūmys ornyn ashuǵa múmkíndík beredí. Búgíngí tańda qalanyń jūmys ístep tūrǵan 52 bazarynyń 23-índe jańartu jūmystary júrdí, oǵan 20 mlrd.teńgege juyq ınvestıtsıya salynyp, 2,4 myń adamdy jūmyspen qamtydy. Osy jyldyń sońyna deıín «Qazyna» (1 kezeń) jáne «Arlan» (1 kezeń) bazarlaryndaǵy jańartu jūmystary tolyǵymen ayaqtalyp, paıdalanuǵa berílmek.