2026 jylǵy qańtar ŪBT-sy bastalǵannan berí 90 myńǵa juyq adam óttí. Talapkerlerdíń 72%-y testíleudí qazaq tílínde, 28%-y orys tílínde jáne 71 adam aǵylshyn tílínde tapsyrdy, - dep habarlaıdy aqshamnews.kz.
Ekí aptanyń qorytyndysy boıynsha talapkerlerdíń 65%-y shektí ball jınady. Bes pán boıynsha ortasha ball 61 baldy qūrady. Eń joǵary nátıje – 138 ball.
Erekshe bílím beru qajettílíkterí bar oquǵa túsushíler úshín qolaıly jaǵdaı jasaudyń arqasynda ŪBT-ǵa 260 talapker qatysqanyn aıta ketken jón.
Talapkerlerdíń test tapsyrmalarynyń mazmūny boıynsha testíleu ayaqtalǵannan keıín 30 mınut íshínde apellyatsıyaǵa beru qūqyǵy bar. Tehnıkalyq sebepter boıynsha apellyatsıya tíkeleı testíleu kezínde qabyldanady. Nátıjelerí bar sertıfıkattar apellyatsıya qarastyrylǵannan keıín jeke kabınetterde qoljetímdí bolady.
ŪBT-ny ótkízudíń ekí aptasynda 173 ereje būzushylyq anyqtaldy. 108 talapker smartfondardy, shpargalkalardy jáne basqa da tyıym salynǵan zattardy alyp kírmek bolǵany úshín testíleuden shettetíldí. Taǵy 65 adam testíleu kezínde erejelerdí būzǵany úshín audıtorıyadan shyǵaryldy, olardyń nátıjelerí joıyldy. Ózge adamdardyń ornyna kíru faktílerí anyqtalǵan joq.
2026 jylǵy ŪBT ayaqtalǵannan keıín kúntízbelík jyldyń 31 qazanyna deıín beınejazbalarǵa taldau júrgízíledí. Tyıym salynǵan zattardy paıdalanu nemese erejelerdí būzu faktílerí anyqtalǵan jaǵdaıda ŪBT nátıjelerí joıylady.
Esteríńízge sala ketsek, testíleuge qatysuǵa 187 myńǵa juyq ótínísh kelíp tústí.