Aqtoty Raıymqūlova Memlekettík rámízder kúnímen qūttyqtady
Qazaqstan Respublıkasynyń Mádenıet jáne sport mınıstrí Aqtoty Raıymqūlova qazaqstandyqtardy Memlekettík rámízder kúnímen qūttyqtady, dep habarlady Almaty-akshamy.kz mınıstrlíktíń baspasóz qyzmetíne síltemelep.
«Ardaqty aǵaıyn!
Sízderdí 4 mausym – Memlekettík rəmízder kúnímen shyn júrekten qūttyqtaımyn!
Búgínde Memlekettík Tu, Eltańba, Ánūran qıyrda júrgen ár qazaq maqtan tūtatyn, halqymyzdyń bereke-bírlígín arttyra túsetín boıtūmarǵa aınaldy. Rámízderímíz arqyly dóńgelengen dúnıege bíz úshín tynyshtyq pen túsínístík, ízgílík pen tatulyqtan asqan qymbat ūǵym joq ekenín jetkízíp kelemíz.
Kók baıraq kemesín alysqa baǵyttap bara jatqan jas memleketímízdíń nıet-tileginiń tazalyǵyn kórsetedí. Nūryn shashqan altyn kún ómírdí, uaqytty, beıbítshílík pen baılyqty beıneleıdí. Qanatyn keńge jaıǵan qyran qūs halqymyzdyń aıbaryn, erkindik súıgish asqaq ruhyn, jan-dúnıesiniń keńdigin pash etedi.
Eltańba ortasyndaǵy shańyraq otannyń bastauy otbasy ekenín aıǵaqtasa, qanatty pyraqtar ǵasyrlar boıǵy jasymas jigerdiń, talmas talaptyń, táuelsizdígín ańsap, bostandyqqa ūmtylǵan qūlshynystyń beınesi. Tórdegí altyn tústes bes būryshty jūldyz ben uyqtar Ūlyq Ūlystyń mūragerí Qazaqstanǵa jol nūsqap tūr.
Aıbarly Ánūran oń qolymyzdyń alaqanyn júrek tūsyna qoıyp shyrqaǵanda eldík jolyndaǵy erlíktí, babalar amanaty men Máńgílík el boluǵa belín bekem buǵan buynnyń únín sezíndíretín qasterlí jyr.
Qūrmettí otandastar, kórgen kezde jígerlendíríp, boıymyzdy erekshe sezímge bóleıtín rámízderímízdí qasterleu bízdíń ortaq paryzymyz. Laıym halqymyzdyń aıbaryn asqaqtatyp, boıyna ūltjandylyq darytatyn nyshandar tórímízden túspeı, tūǵyry bıík bolsyn!» - dep jazylǵan mınıstrdíń qūttyqtau hatynda.