Aqtóbe oblysynyń arnaıy prokurorlary ınternet-dúken arqyly búkíl elge psıhotroptyq zattar satumen aınalysqan ūıymdasqan qylmystyq topqa qatysty tergeu ísín ayaqtady, dep habarlaıdy Aqshamnews.kz tílshísí.
Būl fakt Aqtóbe oblysy polıtsıya departamentímen bírlesíp júrgízílgen ís-sharalar barysynda anyqtaldy. Dúkenníń jalpy aınalymy 50 mln teńgeden asqan.
Internet-dúken «Telegram» qosymshasynda «baılanyssyz qatysu» formaty arqyly jūmys ístegen, al aqsha qarajattary «dropperlerdíń» banktík kartalary arqyly aınalymǵa túsken.
Qoldanylǵan zań normalary: QR Qylmystyq kodeksíníń 262, 297, 299-1-baptary (ūıymdasqan top qūru, oǵan basshylyq etu, esírtkí jáne psıhotroptyq zattardy zańsyz ıemdenu, saqtau, tasymaldau, ótkízu, nasıhattau nemese jarnamalau).
Jedel-tergeu ís-sharalary barysynda Qaraǵandy, Soltústík Qazaqstan, Aqtóbe oblystary jáne Astana qalasynda 6 adam ūstaldy. 10 kg-nan astam psıhotroptyq zat tárkílendí.
Tergeu organdarynyń tıímdí áreketteríníń arqasynda ınternet-dúken tolyq joıyldy. Qazírgí uaqytta qylmystyq ís sotqa joldandy.