Aqtauda elímízdíń barlyq óńírlerínen kelgen kompanıyanyń úzdík sportshylarynyń basyn qosqan «Qazaqtelekom» AQ-nyń dástúrlí HÍ Spartakıadasy ayaqtaldy. Mamyr jáne mausym aılarynda Qazaqstanda óńírlík íríkteu turnırlerí ótíp, olardyń qorytyndysy boıynsha eń myqty qyzmetkerler jarystyń fınaldyq kezeńínde óz komandalarynyń namysyn qorǵau qūqyǵyna ıe boldy.
Bıyl Kaspıı teńízíníń jaǵalauyna Qazaqstannyń túkpír-túkpírínen kompanıyanyń 430-dan astam qyzmetkerí jınaldy. Ekí kún boıy qatysushylar sporttyq sheberlíkterín, jeńíske degen jígerlígí men komandalyq ruhyn kórsete otyryp, komandalyq jáne jekelegen sport túrlerínen baq synasty.
Jarystyń ashyluynda «Qazaqtelekom» AQ Bas ákímshílík dırektory Erjan Meıramov Spartakıadanyń tek sporttyq ís-shara ǵana emes, aımaǵy men mamandyǵyna qaramastan kompanıya qyzmetkerlerín bíríktíretín mańyzdy korporatıvtík dástúrge aınalǵanyna toqtalyp óttí.
«Sport bízdí ortaq nátıjege jūmys ísteuge, bír-bírímízge qoldau kórsetuge jáne alǵa qoıǵan maqsattarǵa jetuge úıretedí. Dál osy qasıetter bízge sport alańdarynda da, kúndelíktí jūmysta da kómektesedí. Bıylǵy Spartakıada barlyq qatysushylarǵa jarqyn emotsıyalar, jańa tanystyqtar syılap, «Qazaqtelekomnyń» kúshí — onyń adamdarynda ekendígíníń taǵy bír dálelí bolatynyna senímdímín», – dep atap óttí Erjan Meıramov.
Spartakıada baǵdarlamasyna basketbol, futzal, voleıbol, júzu, shahmat, tennıs, kıbersport, toǵyzqūmalaq, asyq atu, bes tas, qol kúresí (armrestlıng), sadaq atu jáne basqa da sport túrlerí endí. Jeńímpazdar jekeleı de, komandalyq esepte de anyqtaldy.
Jarys qorytyndysy boıynsha komandalyq sport túrlerínen kelesí óńírler jeńímpaz atandy:
Shyǵys óńírí – basketboldan;
Almaty óńírí – erler arasyndaǵy voleıboldan, kıbersporttan jáne arqan tartudan;
Ortalyq óńír – áıelder arasyndaǵy voleıboldan jáne futzaldan.
Sondaı-aq ondaǵan qyzmetker jeke sport túrlerínen jeńímpaz jáne júldeger atanyp, ózderíníń jas jáne sporttyq sanattary boıynsha altyn, kúmís jáne qola medaldardy ıelendí.
Jabylu saltanatynyń basty qyzyǵy - kelesí Spartakıada ótetín aımaqty anyqtau jerebesí boldy. Onyń qorytyndysy boıynsha 2027 jyly «Qazaqtelekom» AQ-nyń HÍÍ Spartakıadasyn ótkízu qūqyǵyna Soltústík óńír ıe boldy.
Bıylǵy jarystyń jeńímpazdary 2026 jylǵy 8-10 tamyz aralyǵynda Astanada ótetín «Samūryq-Qazyna» AQ kompanıyalar tobynyń HÍ Spartakıadasynda «Qazaqtelekom» AQ namysyn qorǵaıdy. Auqymdy korporatıvtík sporttyq sharaǵa elímízdíń túkpír-túkpíríndegí Qordyń portfeldík kompanıyalarynyń qyzmetkerlerí qatysady.