Aqmola oblysynda jańa kólikterdi tasymaldaǵan avtovoz jol apatyna ushyrap, jol jıegine aýdarylyp ketken, - dep habarlaıdy Aqshamnews.kz tilshisi.
Aqmola oblystyq PD málimetinshe, jol-kólik oqıǵasy 2025 jylǵy 21 qarashada shamamen túski 12:00-de «Qostanaı – Áýlıekól – Surǵan» tasjolynyń 239-shaqyrymynda bolǵan.
Polısıanyń aldyn ala dereginshe, 1979 jyly týǵan «Sıtrak» markaly kólik tasýshy júk kóligi júrgizýshisi Qostanaı baǵytyna qaraı ketip bara jatqan. Ol qarsy aldyndaǵy kólikti ozbaq bolǵan sátte rólge ıe bola almaı, júk kóligi jol jıegine shyǵyp ketip aýdarylǵan. Fýranyń ústinde Qytaıda qurastyrylǵan segiz jańa jeńil kólik bolǵan.
Júrgizýshi Almatydan Qostanaıǵa jańa partıany jetkizip kele jatqan. Apattan eshkim zardap shekken joq. Oqıǵa ornynda polısıa qyzmetkerleri jumys istep jatyr. Júrgizýshiniń mas kúıde bolý-bolmaýy mindetti túrde tekserilip jatyr.
Barlyq rásim aıaqtalǵan soń prosesýaldyq sheshim qabyldanady. Polısıa iri júk kóligin júrgizetinderge qaýipsizdik erejelerin qatań saqtaýdy qaıta eskertti.