2026 jylǵy futboldan álem chempıonatynyń úshínshí oryn úshín ótken matchynda Anglıya qūramasy Frantsıyany 6:4 esebímen jeńíp, turnırdíń qola júldegerí atandy, – dep habarlaıdy aqshamnews.kz tílshísí.
Kezdesu aǵylshyndardyń qarqyndy shabuylymen bastaldy. Matchtyń 3-mınutynda Deklan Raıs alystan dál soqqy jasap, esep ashty. Arada 15 mınut ótkende Raıstyń būryshtamadan asyrǵan pasyn Ezrı Konsa golǵa aınaldyryp, eseptí 2:0-ge jetkízdí.
38-mınutta Bukaıo Saka úshínshí goldy soqsa, bírínshí taımǵa qosylǵan uaqytta ol dubl avtory atanyp, Anglıya úzílíske 4:0 esebímen basymdyqpen kettí.
Ekínshí taımda Frantsıya tarazy basyn teńestíruge baryn saldy. Aldymen Kılıan Mbappe esep aıyrmasyn qysqartsa, keıín Bredlı Barkolya mergendík tanytty. 66-mınutta Mbappe taǵy bír gol soǵyp, eseptí 4:3-ke jetkízdí.
Osy goldan keıín Mbappe bıylǵy álem chempıonatyndaǵy 10-golyn soǵyp, turnırdíń úzdík sūrmergení atandy. Sondaı-aq ol álem chempıonattarynyń fınaldyq kezeńderíndegí gol sany boıynsha Lıonel Messıden ozyp, rekord ornatty. Frantsuz shabuylshysynyń enshísínde – 22 gol, al Messıde – 21.
Matchtyń 87-mınutynda Bukaıo Saka penaltıden múlt ketpeı, het-trık rásímdedí. Qosymsha uaqytta Usman Dembele frantsuzdardyń tórtínshí golyn soqqanymen, araǵa ekí mınut salyp Djud Bellıngem qarsy shabuyldy sáttí ayaqtap, oıynnyń núktesín qoıdy.
Osylaısha Anglıya qūramasy 6:4 esebímen jeńíske jetíp, álem chempıonatynyń qola medalín jeńíp aldy. Al Frantsıya turnırdí tórtínshí orynmen ayaqtady.
Aıta keteıík, álem chempıonatynyń fınaly 19 shíldeden 20 shíldege qaraǵan túní Qazaqstan uaqytymen saǵat 00:00-de ótedí. Bas júlde úshín Argentına men Ispanıya qūramalary kezdesedí.