Almatyda «Analıtıka mektebí» bílím beru jobasynyń úshínshí aptasy óttí, – dep habarlaıdy aqshamnews.kz tílshísí.
Almaty qalasynda «Analıtıka mektebí. Almaty» qarqyndy bílím beru jobasynyń úshínshí oqu aptasy ayaqtaldy. Būl kezeńníń baǵdarlamasy 30 mamyr kúní «Almaty habta» ótíp, qalalyq ortany zertteudegí pánaralyq tásíl men analıtıkalyq oılaudy damytuǵa arnaldy.
Aptanyń negízgí taqyryby «Qala – júıe retínde: analıtıkalyq oılau jáne zertteu ádísterí» tūjyrymdamasy boldy. Baǵdarlama qatysushylary tūraqty damu tetíkterín, zamanauı urbanıstıkalyq trendterdí jáne bastapqy derekterdí tereń analıtıkalyq maǵynaǵa aınaldyru ádísterín meńgerdí.
Baǵdarlamanyń negízgí oqıǵalary men spıkerlerí:
• Strategıyalyq damu: Qazaqstan Respublıkasy Prezıdentí janyndaǵy Qazaqstan strategıyalyq zertteuler ınstıtutynyń bas ǵylymı qyzmetkerí Sanat Kushkumbaev «Almaty – Ortalyq Azıyadaǵy tūraqty damudyń zerthanasy» taqyrybynda dárís oqydy. Bayandama barysynda megapolıstíń óńírlík qauípsízdík pen tūraqtylyq strategıyalaryn qalyptastyrudaǵy rólí talqylandy.
• Urbanıstıka jáne sáulet: Urban Forum Kazakhstan ūıymynyń teń qūryltaıshysy árí damu jóníndegí dırektory Asel Esjanova zamanauı qalalardy jobalau men sáulettegí ózektí trendterge toqtalyp, tūraqty qalalyq damudyń negízgí qaǵıdattaryn atap óttí.
• Taldau ádísnamasy: Eurasian Center for People Management bas dırektory Lesya Karataevanyń jetekshílígímen «Derekten maǵynaǵa: analıtıkalyq oılau arhıtekturasy» atty praktıkalyq semınar óttí. Qatysushylar aqparatty qūrylymdau qūraldaryn jáne analıtıkalyq modelderdí logıkalyq tūrǵyda qūru ádísterín meńgerdí.
• Qūjattarmen jūmys: Qazaqstan Respublıkasy Prezıdentí janyndaǵy Qazaqstan strategıyalyq zertteuler ınstıtuty dırektorynyń orynbasary Alua Joldybalına qazaq tílínde sessıya ótkízíp, zamanauı analıtıkalyq qūjattardy daıyndau strategıyalaryna toqtaldy. Būl memlekettík tílde kásíbı saraptamany damytudyń mańyzdylyǵyn aıqyndady.
«Analıtıka mektebí. Almaty» baǵdarlamasy áleumettanulyq taldaudan bastap sáulettík josparlauǵa deıíngí keshendí tásíldí qoldana otyryp, qazírgí zamannyń kúrdelí júıelík syn-qaterlerímen jūmys ísteı alatyn kásíbı qauymdastyqty qalyptastyrudy jalǵastyruda.
Aıta keteıík, «Analıtıka mektebí. Almaty» – Almaty qalasy Jastar sayasaty basqarmasy júzege asyryp jatqan, Qazaqstan Respublıkasy Parlamentí Senatynyń qoldauymen ótkízíletín bílím beru bastamasy. Joba ártúrlí saladaǵy jas mamandardyń synı oılau, derekterdí tereń taldau jáne strategıyalyq josparlau daǵdylaryn damytuǵa baǵyttalǵan.