Almatyda 2026 jyly 1-5 mausym aralyǵynda qala ákímdígíníń qoldauymen Ortalyq mádenıet jáne demalys sayabaǵynda XXVIII halyqaralyq «Boztorǵaı» balalar shyǵarmashylyǵy baıqauy óttí, – dep habarlaıdy aqshamnews.kz tílshísí.
Būl turaly Almaty qalasy Mádenıet basqarmasynyń ókílderí aıtty.
Bıyl halyqaralyq baıqauǵa Qazaqstannyń túrlí óńírlerínen, sondaı-aq Armenıya, Gruzıya, Bolgarıya, Ózbekstan, Qyrǵyz Respublıkasy, Tájíkstan jáne Qytaıdan kelgen jas ónerpazdar qatysty. 700-den astam qatysushy vokal, horeografıya, sán teatry, halyqtyq oryndaushylyq jáne aspaptyq óner atalymdary boıynsha sheberlík kórsetíp, baq synady.
Qazylar alqasynyń qūramyna mádenıet pen óner qaıratkerlerí, sondaı-aq Italıya, Ukraına, Ózbekstan, Qyrǵyzstan, Reseı, Polsha, Qytaı, Bolgarıya, Gruzıya jáne Armenıyadan kelgen mamandar endí.
Baıqau qorytyndysy boıynsha qatysushylarǵa Gran-prı, sondaı-aq ár atalym men jas erekshelígí boıynsha Í, ÍÍ jáne ÍÍÍ dárejelí dıplom tabystaldy. Jeńímpazdar baǵaly syılyqpen marapattaldy.
Vokal atalymy boıynsha Gran-prı ıegerlerí:
kíshí top – Ádíl Bektūrsyn, Almaty qalasy;
orta top – Nūraı Maratova, Almaty qalasy;
eresek top – Vıktorıya Ilıeva, Plovdıv qalasy, Bolgarıya Respublıkasy;
kásíbı top – Marhabat Mūradálí, Qaraǵandy qalasy.
Halyqtyq oryndaushylyq jáne aspaptyq óner atalymdary boıynsha Gran-prı ıegerlerí:
kíshí top – Álı Asqar Erkínūly, Almaty qalasy;
eresek top – Ál-Azıza Ǵalymjan, Almaty qalasy;
eresek top – Vage Nazaretyan, Erevan qalasy, Armenıya Respublıkasy.
Horeografıya jáne sán teatry atalymdary boıynsha Gran-prı ıegerlerí:
kíshí top – «Jas Órken» bı ansamblí, Almaty qalasy;
orta top – «Tūmarhanym» halyq bıí studıyasy, Almaty qalasy;
eresek top – «Aru Aral» bı ūjymy, Aral audany, Qyzylorda oblysy;
eresek top – «Kerím-aı» sán teatry, Almaty qalasy.
«Boztorǵaı» baıqauy – jas talanttardyń halyqaralyq shyǵarmashylyq keńístíkte tanyluǵa bastar alǵashqy qadamy. Būl shyǵarmashylyq alań jyl saıyn júzdegen balanyń ónerge degen súıíspenshílígín, dostyq pen ózín-ózí damytuǵa degen ūmtylysyn bíríktíríp, jańa belesterge jol ashady.