Audanda 45 senbílík ótkízílíp, 400-den astam aǵash egíldí, - dep habarlaıdy Aqshamnews.kz.
Óńírlík kommunıkatsıyalar qyzmetíníń alańynda Nauryzbaı audanynyń ákímí Nazıra Toǵyzbaeva osylaı dep habarlady. Ol audannyń sanıtarlyq jaǵdaıyn jaqsartu men abattandyruǵa baǵyttalǵan «Taza Qazaqstan» ekokampanıyasy ayasynda atqarylyp jatqan jūmystar turaly bayandap berdí.
Ákímníń aıtuynsha, bıylǵy 10 aıda audanda 45 senbílík ótkízílíp, oǵan 11 myńnan astam tūrǵyn qatysqan. Aktsıyalar barysynda 5 500 tekshe metr qoqys shyǵarylǵan. Qarasha aıynyń sońyna deıín mausymdy taza ayaqtau úshín taǵy ekí senbílík ótkízu josparlanyp otyr.
«Taza Qazaqstan bot» tsıfrlyq platformasy da jaqsy qoldanylyp jatyr: jyl basynan berí 1 500 ótínísh kelíp túsken, onyń 95%-y sheshímín tapqan. Būl qoǵamdyq baqylaudy kúsheıtíp, tūrǵyndarmen kerí baılanysty barynsha jedel jáne ashyq etuge múmkíndík berdí.
Qazírgí tańda audannyń sanıtarlyq tazalyǵy 348 kóshe men 105 shaqyrym aryq júıesín qamtıdy. Būl jūmystardy úsh merdíger ūıym atqaryp jatyr, 150 jūmysshy men 54 arnaıy tehnıka jūmyldyrylǵan. Aula aumaqtaryndaǵy jūmysqa qosymsha 174 qyzmetker men 46 tehnıka tartyldy.
Sanıtarlyq jaǵdaıdy baqylaudy kúsheıtu maqsatynda qoqys konteıner alańdaryna 40 kamera ornatyldy. Olar zańsyz qoqys tastaǵandary tírkep, qūqyqbūzushylyqtar boıynsha ákímshílík hattama toltyryldy.
Abattandyru men kógaldandyru jūmystaryna erekshe mán berílgen. Bıyldyń ózínde 400 aǵash egíldí, jyl sońyna deıín taǵy 1 000 aǵash egílmek. Sonymen qatar, «SAME CONSTRUCTION» JShS merdíger kompanıyasy júrgínshí joldary men jol jıegí arasyndaǵy bos aımaqtardy kógaldandyru men abattandyru boıynsha keshendí jūmystar júrgízíp jatyr. Būl aımaqtar sanıtarlyq-qorǵau men estetıkalyq qyzmet atqarady.
Negízgí abattandyru aumaqtary:
• Abaı dańǵyly (ońtústík-shyǵys jáne ońtústík-batys bólígí, Áshímov kóshesíníń būryshy);
• Shalyapın kóshesí (Áshímov kóshesínen Qarǵaly ózeníne deıín);
• Qonaev kóshesí (Groza kóshesínen Qarǵaly ózeníne deıín).
Būl aımaqtarǵa spıreya, lapchatka, kızılnık, kópírshík (qyzyl jáne sary tústí) jáne hrızantema sıyaqty sándík būtalar egíldí.
Sonymen qatar ákímshílík ís-sharalar da júrgízíldí: jyl basynan berí tazalyq erejelerín būzu, rūqsatsyz sauda jáne ózge de ákímshílík qūqyqbūzushylyqtar boıynsha jalpy somasy 50 mln teńgeden asatyn 691 hattama toltyryldy.
«Ekologıyalyq mádenıet ár adamnyń ózínen bastalady. Bízdíń maqsatymyz – audandy ómír súru men demaluǵa jaıly audan etu», - dedí Nazıra Toǵyzbaeva.