Búkil qala boıynsha AMSK qadamdyq qoljetimdiligin anyqtaıtyn júıe quryldy.
Almaty ákimi Baqytjan Saǵyntaev «Almaty» telearnasyndaǵy kezekti tikeleı efır barysynda qalanyń densaýlyq saqtaý júıesin sıfrlandyrý jáne KVI epıdemıasynyń taralýyn boldyrmaýǵa baǵyttalǵan jobalar týraly aıtty, dep habarlaıdy Akmaty-akshamy.kz.
Densaýlyq saqtaý salasyn sıfrlandyrý aıasynda búkil qala boıynsha AMSK qadamdyq qoljetimdiligin anyqtaıtyn júıe quryldy. Júıe ýchaskelik dárigerler naýqastaryn aralaý kezinde óz pasıentterine jete almaıtyn aımaqtardy anyqtaýǵa múmkindik berdi. Osy aqparattyń negizinde salynatyn jańa emhanalar men aýrýhanalardyń medısınalyq qyzmetteriniń qadamdyq qashyqtyǵy eskerilip, jobalanady.
Pandemıa kezinde jeke sektordyń qatysýymen qala KVI epıdemıasynyń taralýyn boldyrmaýǵa baǵyttalǵan jańa jobalardy jedel júzege asyrdy. Mysaly, uıaly baılanys operatorlarynyń derekteri negizinde adamdar kóp jınalatyn oryndardyń saraptamasy jasaldy, aýrýhanalardyń 1S júıesine tikeleı ıntegrasıalanǵan dári-dármek qozǵalysynyń monıtorıń júıesi engizildi; medısınalyq qurylǵylardyń jumys mártebesin anyqtaıtyn joba júzege asty.
Budan ózge, pandemıa kezinde Telemedısına ortalyǵy arqyly KVI naýqastaryn baqylaýdyń tolyqqandy júıesi iske asty. KVI-men aýyrǵan qala turǵyndarynyń kópshiligi jumystyń «deıin» jáne «keıin» kezeńindegi aıyrmashylyqtardy sezindi. Bolashaqta osy tájirıbeni sozylmaly aýrýlary bar qalalyqtardy qoldaý úshin paıdalaný josparlanýda.