Alatau audany ákímdígínde memlekettík organdardyń ókílderí men kásípkerler qatysqan keńes óttí. Kezdesudíń negízgí taqyryby zıyandy shyǵaryndylar deńgeıín tómendetu jáne atmosferalyq auany qorǵau salasyndaǵy jańa talaptardy túsíndíru boldy.
Alatau audanynyń ákímí Danıyar Qyryqbaevtyń aıtuynsha, kezdesudíń basty maqsaty - jańa normalardy talqylau jáne ashyq dıalog ayasynda bıznespen bírlesken jūmysty jolǵa qoyu.
Mamandardyń deregínshe, Alatau audanynda qoǵamdyq tamaqtanu oryndary, monshalar men tehnıkalyq qyzmet kórsetu beketterí sekíldí 400-den astam kásíporyn jyl saıyn shamamen 200 tonnaǵa juyq lastaushy zattardy auaǵa bóledí.
Almaty qalasy Ekologıya jáne qorshaǵan orta basqarmasynyń basshysy Serík Ádílbaev audan aumaǵynda 400-den astam reıdtík ís-shara ótkízílgenín, onyń barysynda káuaphanalar men monshalar tekserílgenín aıtty. Sondaı-aq, ol keıbír tūrǵyn úılerde álí kúnge deıín jylytu úshín qatty otyn men kómír paıdalanylatynyn, būl auanyń lastanuyna sebep bolyp otyrǵanyn eske saldy.
Kezdesu qatysushylaryna Almatyda 2025 jyly 30 jeltoqsanda bekítílgen atmosferalyq auany qorǵaudyń jańa erejelerí túsíndíríldí. Atalǵan qūjat qala aumaǵynda qatty jáne sūıyq otyndy paıdalanuǵa tyıym salady jáne kásípkerlerdí arnaıy súzgí qondyrǵylaryn ornatuǵa míndetteıdí. Būl talaptar 2027 jyldan bastap míndettí túrde engízíledí. Osylaısha, Almaty Qazaqstanda atmosferalyq auany qorǵauda keshendí tásíl alǵash engízgen qala atandy.
«Talaptarǵa sáıkes, shyǵaryndylary tómen aımaqtarda ornalasqan nysandar ekologıyalyq taza otyn túríne kóshuge tıís. Atmosferaǵa shyǵaryndylar kólemín azaıtu úshín erejelerge saı qatty otyndy – kómír men otyndy, sondaı-aq sūıyq otyndy paıdalanuǵa tyıym salynady. Ekologıyalyq taza otynǵa, yaǵnı gazǵa kóshu qajet. Sonymen qatar arnaıy súzgí qondyrǵylaryn ornatu talaptary bar. Aıta ketu kerek, būl talaptar keıínge qaldyrylǵan kezeńdí qamtıdy, yaǵnı kásípkerlík nysandary úshín olar 2027 jyldan bastap kúshíne enedí», – dep túsíndírdí «Eco Almaty» JShS bas dırektory Mıras Gaısın.
Onyń aıtuynsha, jańa talaptar Ekologıyalyq kodeks pen sanıtarıyalyq-epıdemıologıyalyq erejelerdíń qoldanystaǵy normalaryna negízdelgen jáne qaladaǵy aua sapasyn kezeń-kezeńímen jaqsartuǵa baǵyttalǵan.
Kezdesuge qatysushylar memlekettík organdar men bıznes ókílderíníń bírlesken jūmysy ǵana auanyń lastanu deńgeıín tómendetíp, Almatydaǵy ekologıyalyq ahualdy bírtíndep jaqsartuǵa múmkíndík beretínín atady.