Almatydaǵy Alatau audanynyń bírqatar shaǵyn audandarynyń 23 myń tūrǵyny osy jyldyń sońyna deıín sumen qamtamasyz etíledí
Almatynyń Alatau audanyn sapaly ınjenerlík ınfraqūrylymmen qamtamasyz etu úshín jelílerdí qaıta qūru jáne jańa salu boıynsha belsendí jūmystar júrgízílude. Būl turaly qala ákímí Erbolat Dosaev audan tūrǵyndarymen kezdesu barysynda málímdedí.
Ózderíńíz bíletíndeı, qosylǵan shaǵyn audandardyń (Alǵabas, Terektí, Mádenıet jáne Boraldaı) tūrǵyndary ortalyq ınjenerlík jelílerdíń bolmauyna baılanysty ūzaq jyldar boıy septıkter men auyz suǵa arnalǵan jeke ūńǵymalardy paıdalanǵan.
Audan tūrǵyndaryn qajettí ınfraqūrylymmen qamtamasyz etu úshín 2024 jyly Alǵabas jáne Sayaly shaǵyn audandarynda 48,6 km sumen jabdyqtau jáne su būru jelílerín, sondaı-aq Ójet sh/a 1-shí káríz sorǵy stantsıyasyn (KSS) salu jūmystary ayaqtaldy. Nátıjesínde audannyń 5 myńnan astam tūrǵyny ortalyq auyz sumen jáne kárízben qamtamasyz etílgen.
2025 jylǵy jeltoqsanda Boraldaı, Aqbūlaq, Shapaǵat, Bolashaq, Rahat-Mádenıet, Áıgerím shaǵyn audandarynyń 23 myń tūrǵyny úshín 270 km sumen jabdyqtau jáne su būru jelílerín salu boıynsha jūmystar ayaqtalady dep kútílude.
Aıta keteıík, qalada ınjenerlík jelílerdí jańǵyrtu jáne rekonstruktsıyalau boıynsha keshendí sharalar belsendí qabyldanuda. Osylaısha, būl 2025 jyly sumen jabdyqtau jelíleríníń tozuyn 52,9% – ǵa, su būru jelíleríníń tozuyn 53,9% - ǵa deıín tómendetuge múmkíndík beredí.