Almatynyń Alataý aýdanyndaǵy 8 shaǵyn aýdanynda jańa transformatorlyq qosalqy stansıalar paıda bolady
Alataý aýdanyn turaqty elektrmen jabdyqtaýmen qamtamasyz etý úshin ótken jyly «AJK» AQ 42,4 km elektr jelilerin rekonstrýksıalady jáne Shańyraq sh/a-daǵy 12 transformatorlyq qosalqy stansıa jóndeldi. Bul týraly Almaty qalasynyń ákimi Erbolat Dosaev aýdan turǵyndarymen kezdesý barysynda málimdedi.
2025 jyly «AJK» AQ 11 shaǵyn aýdanda («Shańyraq-1, 2», «Áıgerim-1, 2», «Uljan-1, 2», «Aqbulaq», «Alǵabas», «Terekti», «Ójet» jáne «Qarasý»), sondaı-aq 64 TP jáne 6 qosalqy stansıany kúrdeli jáne aǵǵymdaǵy jóndeýden ótkizý josparlanýda. Elektr jelilerin jańartý aǵymdaǵy jóndeý aıasynda 170 km jáne kúrdeli jóndeý aıasynda 28,5 km-di qamtıdy.
2025 jyldyń sońyna deıin 73,5 km ıesiz elektr jelilerin qaıta jańartý jáne 8 shaǵyn aýdanda (Alǵabas, Terekti, Shańyraq, Uljan, 14-shi aýmaq, Ójet, Samǵaý jáne Shapaǵat) 33 TP ornatý aıaqtalady.
Erbolat Dosaevtyń aıtýynsha, aýdanda sapaly syrtqy jaryqtandyrýmen qamtamasyz etý boıynsha belsendi jumystar júrgizilýde. Máselen, 2024 jyly 55 kóshede 16 km kabel jelileri men 600 kóshe shamdary aýystyryldy.
«2025 jyldyń mamyr aıynda biz Alataý aýdanynyń 255 kóshesi men qoǵamdyq oryndaryn jaryqtandyrý boıynsha aýqymdy jobany iske asyrýǵa kirisemiz. Jumys aıasynda 2,9 myń tirek pen 3,5 myń sham ornatylady», - dedi ákim.
Aıta keteıik, qalada ınjenerlik jelilerdi jańǵyrtý jáne rekonstrýksıalaý boıynsha keshendi sharalar belsendi qabyldanýda. Osylaısha, qabyldanyp jatqan sharalar 2025 jyly elektrmen jabdyqtaý jelileriniń tozýyn 63,3% - ǵa deıin tómendetýge múmkindik beredi.