Almatyda qoǵamdyq tártíptí būzǵan jasóspírímder sot sheshímímen Qazaqstannan shyǵaryldy. Sonymen qatar, olarǵa elge qaıta kíruge tyıym salyndy, – dep habarlaıdy aqshamnews.kz tílshísí Almaty qalalyq polıtsıya departamentíníń baspasóz qyzmetíne sílteme jasap.
Būǵan deıín áleumettík jelíde Almatydaǵy sayabaqtardyń bírínde bolǵan oqıǵanyń vıdeosy tarady. Vıdeoda kíshkentaı qyzdar sayabaqta júrgenderge tıískení aıtylady.
"Zattarymyzdy tartyp aldy, tas laqtyryp, basqa adamdardy da ūrdy. Osy ekí qyzdy aınalyp ótíńízder, aqsha sūraıdy, bermeseńízder, zattaryńyzdy tartyp alyp, ózíńízge qaraı laqtyrady", - dep jazylǵan jelídegí jazbada.
Polıtsıya būl jaıtqa baılanysty tekseru bastalǵanyn habarlaǵan edí.
Kóp ūzamaı jasóspírímderdíń kím ekení anyqtalyp, olar kámeletke tolmaǵandardy beıímdeu ortalyǵyna ornalastyryldy. Keıín olar da, ata-analary da kórshí eldíń azamattary ekení belgílí boldy. Sol kezde olardy elden shyǵaru máselesí qaralyp jatqany aıtylǵan.
Būdan bólek, qūqyq būzǵan jasóspírímderdíń zańdy ókílderí balalardy tárbıeleu míndetín tıísínshe oryndamaǵany úshín ákímshílík jauapkershílíkke tartyldy.