Almaty qalasynyń Tótenshe jaǵdaılar departamentí azamattardyń qauípsízdígín qamtamasyz etu maqsatynda Rojdestvo merekesíne kúní būryn daıyndaldy. 6 qańtardan 7 qańtarǵa qaraǵan túní qala aumaǵyndaǵy 13 nysanda qūtqarushylar men órt sóndírushíler kezekshílík etedí. Būl turaly Almaty qalasynyń Óńírlík kommunıkatsıyalar qyzmetí alańynda Almaty qalasy Tótenshe jaǵdaılar departamentí Memlekettík órt baqylau basqarmasy bastyǵynyń orynbasary Erkebūlan Jūmataev habarlady.
TJD qyzmetkerlerí barlyq nysandy aldyn ala tekseríp shyǵyp, nūsqaulyq jūmystaryn júrgízdí. Ár audandyq bólímshe óz aumaǵynda órt qauípsízdígín qamtamasyz etíp, adam kóp jınalatyn jerlerde tártíp pen qauípsízdík talaptarynyń saqtaluyn baqylauda ūstaıdy.
Departament azamattardy dínı rásím ótetín nysandardy aralau kezínde qauípsízdíktí barynsha saqtauǵa shaqyrady:
• ashyq ot qoldanylatyn sham ūstaǵyshtardy, shamdar men basqa da qūraldardy janbaıtyndaı etíp, ornyqty kúıde ornatu;
• ashyq otty árleu materıaldarynan, ıntererden, kıím-keshek pen janǵysh zattardan kemínde 0,5 metrdeı aulaq paıdalanu;
• shyny kolbalary zaqymdalǵan shamdardy qoldanbau jáne olardy janǵysh sūıyqtyqtardy paıdalanbaı qūyu;
• ǵıbadat zalynyń syıymdylyǵyn olardyń audany men evakuatsıyalau joldarynyń ótkízu qabíletín eskere otyryp shekteu;
• qarsy baǵyttaǵy adamdar aǵyny qıylyspaıtyndaı etíp kelushílerdíń qozǵalysyn ūıymdastyru.
«Merekeler tynysh árí qauípsíz ótuí úshín bar kúshímízdí saldyq», - deıdí Departament ókílí. Sondaı-aq ol qala tūrǵyndary men qonaqtaryn Jańa jylmen jáne pravoslavtardyń aldaǵy Rojdestvo merekesímen qūttyqtady.