Belgísíz bíreu kúsh qoldanamyn dep qorqytyp, jábírlenushíní baılap, zergerlík būıymdar, baǵaly múlík pen aqshalaı qarajatty alyp ketken, dep habarlaıdy aqshamnews.kz
Atalǵan faktí boıynsha qylmystyq ís qozǵaldy.
Jedel-ízdestíru ís-sharalary barysynda krımınaldyq polıtsıya qyzmetkerlerí qysqa merzím íshínde ekí kúdíktíní anyqtap, ūstady. Tergeu áreketterí kezínde ūrlanǵan múlíktíń edáuír bólígí tárkílendí.
Ūstalǵan azamattar kínásín moıyndap, uaqytsha ūstau ızolyatoryna qamaldy.
"Būl qylmystyń ashyluy – íske jūmyldyrylǵan barlyq bólímshelerdíń úılesímdí árí kásíbı jūmysynyń nátıjesí. "Zań men tártíp" qaǵıdaty bíz úshín jaı ūran emes, kúndelíktí qyzmettíń basty talaby. Auyr qylmystardyń eshqaısysy jauapsyz qalmaıdy, al árbír jábírlenushí memleket pen polıtsıyanyń óz jaǵynda ekeníne senímdí boluy tıís", – dedí Almaty qalasy polıtsıya departamentí bastyǵynyń bírínshí orynbasary Quatbek Nauatov.
Kúdíktílerdíń osyǵan ūqsas ózge de qylmystarǵa qatysy bar-joǵy tekserílíp jatyr.