Óńírlík kommunıkatsıyalar qyzmetíníń alańynda Almaty qalasy ákímíníń orynbasary Beıbít Shahanov qala tūrǵyndarynyń sūraǵyna jauap beríp, Almaty zoobaǵyn jańǵyrtu jospary turaly jan-jaqty bayandap berdí, - dep habarlaıdy Aqshamnews.kz.
Onyń aıtuynsha, zoobaq – bíregeı nysan, árí oǵan kelíp-ketetínder sany da artyp barady. Sondyqtan qazírgí qorshaulardyń, aınaladaǵy aumaqtar men ınjenerlík ınfraqūrylymnyń jaǵdaıy edáuír eskírgenín, jūrtqa sapaly qyzmet kórsetuge múmkíndík bermeıtínín aıtady. Qazírgí qorshaular januarlardy kútíp-ūstaudyń álemdík standartyna da saı kelmeıdí.
«Álemníń barlyq elínde zoobaqtardy tabıǵı ortaǵa ūqsaıtyndaı etíp, jan-januarlarǵa barynsha jaıly jaǵdaı jasap jatyr, bíz de osy baǵytta jūmys ísteuge bet aldyq», - deıdí Beıbít Shahanov.
Qaıta jańǵyrtuǵa daıyndyqtyń negízgí kezeńíníń bírí – írgeles jer telímderín satyp alu. Ol - ınfraqūrylymdy tolyq jańartyp, januarlardy ūstauǵa arnalǵan zamanǵa saı tabıǵı aımaqtar qūryp, avtotūraq aumaǵyn keńeıtu degen sóz.
«Jobalyq-smetalyq qūjattama ázírleníp jatqan kezde klımattyq jaǵdaıy ūqsas elderdíń zooparkterín jańǵyrtu tájírıbesí eskerílude. Volerlerge qoıylatyn talaptar jetekshí álemdík sarapshylardyń qatysuymen ázírlengen Modernızatsıyanyń master-josparynda belgílengen januarlardy kútíp-ūstau standarttaryna tolyq sáıkes keledí. Jobalauǵa Europa men Reseıden kelgen zooarhıtektorlar qatysuda», – dep atap óttí spıker.
Joba boıynsha jūmys qazír bastalyp kettí. Keler jyly jobalau-smetalyq qūjattamany ázírleu da ayaqtalyp qalady. Al 10 jer telímín satyp alǵannan keıín qala zooparktí auqymdy túrde qaıta qūruǵa kírísedí.