Qala tūrǵyndary men qonaqtary jaqyn mańda ornalasqan Flow Park aumaǵyn paıdalana alady, dep habarlaıdy aqshamnews.kz tílshísí.
Almatyda Tūńǵysh Prezıdent sayabaǵyn qaıta jańǵyrtu jūmystary jalǵasyp jatyr. Qūrylys-montaj jūmystarynyń júrgízíluíne baılanysty jańartu kezeńínde sayabaq aumaǵy qala tūrǵyndary men qonaqtary úshín tolyq jabylady. Būl turaly qalalyq Qoǵamdyq keńístíkterdí damytu basqarmasynyń ókílderí aıtty.
Joba ayasynda aumaqty keshendí kórkeıtu, ınjenerlík jáne júrgínshí ınfraqūrylymyn jańartu, kógaldandyru, sondaı-aq demalys úshín jaıly árí qauípsíz jaǵdaı jasau jūmystary júrgízíledí.
Sayabaq jabyq bolǵan kezeńde qala tūrǵyndary men qonaqtary jaqyn mańda ornalasqan Flow Park aumaǵyn paıdalana alady. Flow Park kelushíler úshín ashyq. Oǵan írgeles aumaqtardy baılanystyratyn júrgínshí kópírí arqyly ótuge bolady.
Tūńǵysh Prezıdent sayabaǵyn qaıta jańǵyrtu jūmystarynyń ayaqtalu merzímí men kelushíler úshín qaıta ashylatyn kúní qosymsha habarlanady.
Qala tūrǵyndary men qonaqtarynan jańǵyrtu jūmystaryna baılanysty uaqytsha shekteuge túsínístíkpen qaraudy sūraımyz.