Qolǵa túsken gastarbaıterler Ózbekstannan kelgen.
Kórshí memleketten kelgen kelímsekter qalanyń Alatau audanyndaǵy qūrylys alańynda anyqtaldy, – dep habarlaıdy Almaty-akshamy.kz Polisia.kz saıtyna sílteme jasap.
Sheteldíkterdíń qolynda jeke basyn kuálandyratyn qūjattary bolmaǵan, osyǵan baılanysty olar PD-níń qabyldap-taratu bólímíne ornalastyrylǵan. Ūstalǵandardyń árqaısysynyń jeke basyn anyqtaǵannan keıín, olardy qalamyzdyń aumaǵynda kez-kelgen qūqyq būzushylyqtar men qylmystarǵa qatystylyǵyn tekseremíz. Sodan keıín olar ákímshílík jauapkershílíkke tartylyp, Qazaqstannan shyǵarylady. Aıtpaqshy, ótken kúní Ózbekstan Respublıkasynyń Almaty qalasyndaǵy konsuldyǵymen bírge sottyń sheshímímen būryn Qazaqstannan shyǵarylǵan Ózbekstannyń 16 azamatynyń otanyna oraluy ūıymdastyryldy, – dedí Almaty qalalyq PD Kóshí-qon qyzmetí basqarmasynyń bastyǵy Ashat Butunchınov.
Sondaı-aq spıker 7-16 mausym aralyǵynda ótkízílgen «Kelímsek» ís-sharasy barysynda kóshí-qon zańnamasyn būzǵany úshín 1 785 kóshí-qon zańnamasyn būzushy ákímshílík jauapkershílíkke tartylǵanyn, olardyń 1 262-sí sheteldík azamattar ekenín eske túsírdí. 102 sheteldík Qazaqstan Respublıkasynan shyǵaryldy.