Almatynyń iri saýda bazarlarynyń birinde ádilet organdary jospardan tys tekserýler júrgizip, Xiaomi, Redmi jáne mi sıaqty taýar belgilerin zańsyz paıdalaný derekterin anyqtady, dep habarlaıdy aqshamnews.kz Ádilet mınıstrliginiń málimetine silteme jasap.
"İs-sharalardyń qorytyndysy boıynsha 700-den astam kontrafaktilik ónim, onyń ishinde jalpy somasy 5 mıllıon teńgeden asatyn uıaly telefondar men mobıldi aksesýarlar", - delingen habarlamada.
Tekseris Xiaomi Inc kompanıasynyń ókiliniń málimdemesi negizinde júrgizilgen.
"Kontrafaktilik ónimdi ótkizý tutynýshylardyń senimine nuqsan keltirip qana qoımaı, zańdy bızneske nuqsan keltiredi, quqyq ıelenýshilerdiń quqyqtaryn buzady jáne Qazaqstan Respýblıkasynyń zańnamasynda kózdelgen jaýaptylyqqa ákep soǵady. Zıatkerlik menshikti qorǵaý-ekonomıkadaǵy quqyqtyq tártipti qamtamasyz etýdiń negizgi baǵyttarynyń biri".
Qazirgi ýaqytta QR ÁQBtK-niń 158-baby boıynsha kináli adamdy ákimshilik jaýapkershilikke tartý boıynsha is júrgizý sharalary qabyldanyp jatyr. İs materıaldary kináli adamdy jaýapqa tartý úshin sotqa beriledi.