Radıoelektronıka jáne baılanys áskerı-ınjenerlík ınstıtutynda mektep oqushylaryna arnalǵan Ashyq esík kúní óttí, – dep habarlaıdy aqshamnews.kz tílshísí.
Ís-sharaǵa Medeu, Áuezov jáne Alatau audandaryna qarasty on toǵyz mektepten 150-den astam joǵary synyp oqushylary qatysty. Bolashaq túlekter joǵary áskerı oqu ornynyń tynys-tírshílígín óz kózderímen kórdí.
Meımandar oqu audıtorıyalary men kafedralardy aralap qana qoımaı, ınstıtuttyń materıaldyq-tehnıkalyq bazasymen jan-jaqty tanysty. Trenajerlyq keshender men dalalyq baılanys toraptaryn kóríp, tehnoparktegí ǵylymı jobalarmen tanysty. Sonymen qatar elektrondy tırde mergendík qabíletterín synap, avtomatty uaqytqa bólshektep-jınaqtau boıynsha da synaqqa tústí.
Kursanttardyń kúndelíktí ómírí oqushylardyń erekshe qyzyǵushylyǵyn tudyrdy. Olar kazarmany, ashanadaǵy tamaqtanu júıesín kóríp, áskerı ómírdíń íshkí tártíbímen jaqynyraq tanysty.
Áskerı ınstıtut bastyǵy general-maıor Nūrtas Qabaqov oqushylarmen ashyq áńgímelesíp, oqu ornynyń ǵylymı jetístíkterí men kursanttardyń sporttaǵy, bílímdegí tabystary turaly aıtyp berdí. Sondaı-aq áskerı qyzmettíń múmkíndíkterí jaıly sūraqtarǵa jauap berdí.
Kursanttar da belsendílík tanytty,olar óz tájírıbelerímen bólístí jáne tańdaǵan mamandyqtarynyń erekshelíkterí turaly aıtyp berdí.
"Bízge osy áskerı ınstıtutta óte qatty ūnady. Mūnda qazírgí zamanǵa saı, sūranysqa ıe mamandyqtar oqytylady eken. Oqu úrdísí qyzyqty ótetíní anyq. Būl ekskursıya meníń bolashaq mamandyǵymdy tańdauyma óz áserín berdí", — dedí №33 mektep-lıtseıíníń oqushysy Abdulhafız Dúısenbek.
Aıta keteıík, mūndaı kásíptík baǵdar beru sharalaryn ótkízu atalǵan ınstıtutta dástúrge aınalǵan. Būl format talapkerlerge áskerı joǵary oqu ornyndaǵy bílím beru erekshelíkterín jan-jaqty túsínuíne múmkíndík beríp, bolashaq mamandyqty sanaly túrde tańdauǵa jol ashady.