Jıynǵa memlekettík organdardyń, «Atameken» ŪKP basshylary, salalyq qauymdastyqtar men bıznes ókílderí qatysty, – dep habarlaıdy aqshamnews.kz tílshísí.
Premer-mınıstr Oljas Bektenov Memleket basshysynyń otandyq farmatsevtıkalyq ónerkásíptí damytu jóníndegí tapsyrmalaryn júzege asyru sheńberínde Otandyq kásípkerler keńesí otyrysyn ótkízdí.
Otyrys barysynda Premer-mınıstr Oljas Bektenov otandyq densaulyq saqtau, farmatsevtıka jáne medıtsına ónerkásíbín damytu halyqtyń ómír súru sapasy men ūlttyq ekonomıkanyń tūraqtylyǵyna tíkeleı áser etetínín atap óttí.
«Adamǵa baǵdarlanǵan memleket qaǵıdaty Prezıdentímíz Qasym-Jomart Kemelūly Toqaevtyń bastamasymen qabyldanǵan jańa Konstıtutsıyanyń negízgí ózegíne aınaldy. Yaǵnı, adam kapıtalyn damytu memleket qyzmetíníń strategıyalyq baǵyty retínde tanyldy árí ol Ata zańda naqty bekítíldí. Būl, óz kezegínde otandyq densaulyq saqtau júıesín odan árí damytu úshín de tyń tásílderdí talap etedí», — dedí Oljas Bektenov.
«Atameken» ŪKP tóralqa tóraǵasy Qanat Sharlapaevtyń aıtuynsha, búgínde elímízde 209 otandyq óndírushí tírkelgen, onyń 43-í dárílík zattar óndírísímen, 166-sy medıtsınalyq būıymdar shyǵarumen aınalysady. Qazírgí tańda 31 qazaqstandyq tauar óndírushímen 2 myńnan astam farmatsevtıkalyq óním túrín jetkízu boıynsha 83 ūzaqmerzímdí shart jasalǵan. 2025 jylǵy jeltoqsannan berí 316,3 mlrd teńge bolatyn 6 ınvestıtsıyalyq joba íske qosylyp, nátıjesínde 400-ge juyq dárílík zat túrín shyǵaru, 1,1 myńnan astam jūmys ornyn qūru jáne eksporttyq áleuettí keńeıtu kózdelgen.
Úkímettíń qoldauymen uákílettí organdarmen bírlesíp, baǵany kezeń-kezeńímen retteu boıynsha jūmys jalǵasuda. Búgíngí tańda būl shara retseptsíz satylatyn 2,5 myńǵa juyq dárí-dármektí qamtydy, sondaı-aq qūny 1 AEK-ke deıíngí taǵy 1,8 myń retsept arqyly beríletín dárí-dármek boıynsha uaǵdalastyqqa qol jetkízíldí. Medıtsınalyq jáne farmatsevtıkalyq baqylau komıtetíníń taldauyna sáıkes, bıylǵy 1 toqsanda 631 dárí-dármek túrí boıynsha baǵa orta eseppen 24,6%-ǵa tómendegen. Sondaı-aq dárílík zattar men medıtsınalyq būıymdardy «bír tereze» qaǵıdaty boıynsha tírkeudí jedeldetu tetíkterí pysyqtaluda, būl olardyń naryqqa shyǵu merzímderín qysqartuǵa múmkíndík beredí.
Dárílík zattardyń baǵasyn retteu máselelerí boıynsha farmatsevtıkalyq qyzmettí qoldau jáne damytu qauymdastyǵy túríndegí zańdy tūlǵalar bírlestígíníń basshysy Marına Durmanovanyń bayandamasy tyńdaldy. Ūlttyq statıstıka byurosynyń derekteríne sáıkes, 2025 jyly elímízde farmatsevtıkalyq óním óndírísíníń kólemí 191,1 mlrd teńgení qūrady, 2024 jylmen salystyrǵanda ósím 8,7%-ǵa artqan. Naryqtyq erekshelíkterdí eskere otyryp, otandyq preparattarǵa baǵa belgíleu júıesín jetíldíruge qatysty ūsynystar aıtyldy.
«Eurazıyalyq medıtsınalyq qauymdastyǵy» ZTB atqarushy dırektory Sáule Satybaeva TMKKK jáne MÁMS sheńberínde dárí-dármek pen medıtsınalyq maqsattaǵy būıymdardy satyp alu máselesín kóterdí. Otandyq óndírushílerge arnalǵan preferentsıyalardy kúsheıtu jáne baǵa belgíleu bólígínde ūzaqmerzímdí sharttardyń tūraqtylyǵyn arttyru múmkíndíkterín qarastyru ūsynyldy. Sondaı-aq otandyq óndírístíń bar ekenín eskere otyryp, dárílík zattardy halyqaralyq ūıymdar arqyly satyp alu tetíkteríníń ashyqtyǵyna erekshe nazar audaryldy.
Otandyq medıtsınalyq tehnıka óndírísín damytu boıynsha «Sintez-KZ medıtsınalyq holdıngí» JShS dırektory Igor Rybın ūsynystar aıtty. Atalǵan bastamalardyń qatarynda qazaqstandyq tauar óndírushílermen ūzaqmerzímdí sharttar jasasu praktıkasyn jańǵyrtu, ofteık–kelísímsharttardy engízu jáne QR-da akkredıttelgen synaq zerthanalaryn qūru bar.
Densaulyq saqtau mınıstrí Aqmaral Álnazarova dárí-dármekpen qamtamasyz etu júıesín reformalau boıynsha júrgízílíp jatqan jūmystar turaly aıtyp, ashyqtyqqa, dárí-dármek qūnyn tómendetuge jáne tsıfrlyq tehnologıyalardy engízuge basa nazar audarylyp otyrǵanyn atap óttí. Ūzaqmerzímdí sharttar boıynsha 5 myńnan astam pozıtsıya qaıta esepteldí jáne ótken jyldyń shíldesínen bastap jańa baǵalar belgílendí. 2025 jyldyń qorytyndysy boıynsha qabyldanǵan sharalar esebínen bíryńǵaı dıstrıbyutordy satyp alu kezínde shamamen 75 mlrd teńge kólemínde byudjet qarajatyn únemdeuge qol jetkízíldí.
Premer-mınıstr Oljas Bektenov farmatsevtıkalyq óním óndírísín ūlǵaıtu, tehnologıyalar transferí, halyq úshín medıtsınalyq qyzmetterdíń qoljetímdílígí men sapasyn arttyru baǵyttarynda memleket pen bıznestíń bírlesken jūmysynyń qajettílígíne nazar audardy.
«Otandyq óndírushílerdí qoldau basymdyqqa ıe boluy kerek jáne būl barlyq salaǵa qatysty. Bíz barlyq baǵytta, sonyń íshínde medıtsınalyq tehnıka jáne dárílík zattarmen ózín-ózí qamtamasyz etu boıynsha jūmys ísteuímíz qajet. Būl – mańyzdy másele. Úkímet kásípkerlík qyzmettí retteu sayasaty ayasynda baqylau jáne ákímshílík júktemení azaıtu, sondaı-aq bıznestíń memlekettík qoldau sharalaryna qoljetímdílígín keńeıtu jūmystaryn jalǵastyrady. Óz kezegínde, bıznes tarapynan áleumettík jauapkershílíkpen qatar, halyqtyń keń auqymy úshín qoljetímdí baǵada qauípsíz árí sapaly farmatsevtıkalyq ónímdermen qamtamasyz etu baǵytynda naqty qadamdar qajet», — dep atap óttí Oljas Bektenov.
Otyrys qorytyndysy boıynsha Premer-mınıstr memlekettík organdarǵa bírqatar tapsyrma berdí:
Densaulyq saqtau mınıstrlígíne osy jyldyń 1 shíldesíne deıín «bír tereze» qaǵıdaty boıynsha dárílík zattar men medıtsınalyq būıymdardy tírkeudí qamtamasyz etu tapsyryldy. Osy jyldyń 1 mausymyna deıín kóterme jáne bólshek segmenttegí qūny 1 aılyq eseptík kórsetkíshke deıíngí dárílík zattardyń baǵasyn deregulyatsıyalau jūmystaryn ayaqtau qajet, al 1 aılyq eseptík kórsetkíshten joǵary baǵalar boıynsha bıylǵy 1 jeltoqsanyna deıín ayaqtau kerek.
Densaulyq saqtau mınıstrlígíne «Atameken» Ūlttyq palatasymen jáne múddelí memlekettík organdarmen bírlesíp, baǵa belgíleudíń halyqaralyq tásílderín taldau negízínde otandyq óndírístegí dárílík zattar men medıtsınalyq būıymdardyń ádíl naryqtyq baǵasynyń teńgerímín qamtamasyz etu tapsyryldy.
Būdan bólek, lokalızatsıyalau qūraly jáne servıstík ınfraqūrylym retínde medıtsınalyq tehnıkany jetkízuge ūzaqmerzímdí sharttar jasasu tetígí boıynsha ūsynystar engízu.
Ūlttyq ekonomıka mınıstrlígí múddelí memlekettík organdarmen bírlesíp, qosylǵan qūn salyǵynyń bíryńǵaı jeńíldetílgen mólsherlemesín belgíleu máselesín qarastyryp, dárílík zattar men medıtsınalyq būıymdardy ımporttau jáne ótkízu kezínde salyq salu tásílderín bírízdendíru boıynsha sharalar qabyldasyn.