Almatyda joıqyn jer sílkínísí turaly halyqty erte avtomatty túrde eskertu júıesín damytu jūmystary jalǵasyp jatyr. Búgínde 40 nysannyń barlyǵynyń ornalasu koordınattary aıqyndalyp, olardyń 35-índe seısmıkalyq stantsıyalar salyndy. Būl turaly Almaty qalasynyń Jūmyldyru daıyndyǵy, aumaqtyq jáne azamattyq qorǵanys basqarmasynyń ókílderí málímdedí.
Stantsıyalardy ornalastyru oryndary geologıyalyq, geofızıkalyq jáne seısmıkalyq jaǵdaılar eskeríle otyryp belgílendí. Sonymen qatar nysandardy tūraqty jer paıdalanu qūqyǵymen ornalastyru úshín jer uchaskelerín rásímdeu jūmystary júrgízílude.
Jańa stantsıyalar qoldanystaǵy seısmıkalyq baqylau jelísíne qosylady. Būl jer sílkínísterín baqylau auqymyn keńeıtíp, kúshtí seısmıkalyq oqıǵalar turaly aqparatty jedel aluǵa múmkíndík beredí.
Basqarma ókílderíníń málímetínshe, 2025 jyldan berí jer sílkínísín erte anyqtauǵa arnalǵan 70 avtomattandyrylǵan stantsıyany ornatu jūmystary júrgízílude. Qazírgí uaqytta Almaty qalasyn qorshaı ornalasqan Almaty oblysynyń aumaǵynda 65 stantsıya salyndy. Qalǵan bes stantsıyanyń qūrylysy osy jyldyń sońyna deıín ayaqtalady dep josparlanyp otyr. Osydan keıín barlyq jańa stantsıya qoldanystaǵy erte avtomatty eskertu júıesíníń 28 stantsıyasymen bíríktíríledí.
Sonymen qatar halyqty jedel habardar etuge arnalǵan Mass Alert júıesín engízu jūmystary jalǵasuda.
Būǵan qosa, qalada Almaty aglomeratsıyasynyń seısmogeodınamıkalyq jaǵdaıyn zertteuge arnalǵan úsh jyldyq joba júzege asyrylyp jatyr. Joba ayasynda tektonıkalyq jarylymdardyń tsıfrlyq kartasy, seısmıkalyq model jáne geodınamıkalyq belsendí aımaqtardyń kartasy ázírleníp, jer betíníń yǵysuy men deformatsıyasyna baǵalau júrgízílude.
Sondaı-aq, 2023-2024 jyldary júrgízílgen ǵımarattardy qūjattau nátıjesí negízínde ázírlengen Almatydaǵy tūrǵyn úıler men áleumettík nysandardyń seısmıkalyq tózímdílígín arttyruǵa arnalǵan 2026-2035 jyldarǵa arnalǵan ís-qımyl jospary bekítíldí.
Aıta keteıík, sońǵy uaqytta áleumettík jelílerde, messendjerlerde jáne ınternet-resurstarda Qazaqstanda aldaǵy uaqytta joıqyn jer sílkínísí bolady degen aqparat taraǵan bolatyn. Qazaqstan Respublıkasy Tótenshe jaǵdaılar mınıstrlígíníń «Seısmologıyalyq baıqaular men zertteulerdíń ūlttyq ǵylymı ortalyǵy» JShS būl málímetterdíń shyndyqqa sáıkes kelmeıtínín málímdedí. Mamandardyń aıtuynsha, Almatyda kúshtí jer sílkínísíníń jaqyndaǵanyn bíldíretín seısmıkalyq rejımdegí qandaı da bír anomaldy ózgeríster tírkelmegen. Sonymen qatar ortalyq qazírgí ǵylymnyń jer sílkínísíníń naqty bolatyn kúnín, uaqytyn, ornyn jáne kúshín dál boljauǵa múmkíndík bermeıtínín eske saldy.
Sonymen bírge aldyn ala daıyndyq jasau qauípsízdíktíń mańyzdy sharasy bolyp qala beredí. Mamandar tótenshe dabyl shabadanyn aldyn ala ázírlep, úıdegí qauípsíz oryndardy anyqtap, jer sílkínísí bolǵan jaǵdaıda jaqyndarymen ís-qımyl tártíbín aldyn ala kelísíp aluǵa keńes beredí.