Qazaqstan men Qytaı arasynda jasandy ıntellekt pen tsıfrlyq bílím beru salasyndaǵy yntymaqtastyq nyǵaıyp keledí. Almatyǵa «Shanhaı baspa ísí jáne polıgrafıya» kolledjíníń sarapshylar delegatsıyasy keldí. Ekí el mamandary megapolıstegí oqu oryndarynyń bírínde bas qosyp, dóńgelek ústel ótkízdí, – dep habarlaıdy aqshamnews.kz tílshísí.
Tsıfrlyq tehnologıyalardyń áserí
Kezdesude tsıfrlyq tehnologıyalardyń kásíbı bílím beru júıesíne áserí, neırojelílerdí qoldanu múmkíndíkterí jáne jańa tsıfrlyq ekonomıkaǵa qajettí mamandardy dayarlau máselelerí talqylandy.
«Shanhaı» baspa ísí kolledjímen 3 jyldan berí memorandumǵa otyryp, akademıyalyq ūtqyrlyq ayasynda jūmys júrgízílíp jatyr. Onyń bírí – studentter sáuír aıynda ekí jyl qatarynan sol «Shanhaı baspa ísí» kolledjínen bílíktílígín arttyryp, tájírıbe almasu. Yaǵnı, praktıkadan ótíp keledí», – dedí kolledj dırektory Gúlzada Abdullaeva.
Arnaıy sabaqtar
«Bı Shen sheberhanasy» oqu ortalyǵynda sheteldík delegatsıya 14 qyrkúıekke deıín oqytushylarǵa, studentterge jáne beıíndí kásíporyndardyń qyzmetkerleríne arnaıy sabaqtar ótkízedí. Baǵdarlama ayasynda jasandy ıntellektíní tájírıbede qoldanu ísí talqylanady.
Atap aıtqanda, tsıfrlyq kontent jasau, ıntellektualdy baspa platformalarymen jūmys ísteu, 3D-dızaın jáne fotosuretterdí óńdeu baǵyttary qamtylǵan.
«Bı Shen sheberhanasy» bazasynda jūmys ísteu – Qazaqstan men Qytaıdyń kásíbı bílím beru salasyndaǵy yntymaqtastyǵynyń mańyzdy bólígí. Bíz dáríster ótkízíp, tájírıbelík mysaldardy taldap, qatysushylarmen bírge praktıkalyq sabaqtar júrgízíp jatyrmyz. Jasandy ıntellekt pen tsıfrlyq baspa ísíne erekshe mán beremíz. Aldaǵy uaqytta da būl jūmysty qazaqstandyq áríptesterímízben jalǵastyrudy josparlap otyrmyz», – dedí sarapshylar tobynyń jetekshísí Mao Syaomen.
Oqı otyryńyz: Qazaqstan statıstıkasy EYDŪ standarttaryna saı dep baǵalandy