Almatyda Sátbaev kóshesínde, Tílendıev kóshesíníń batys jaǵynda júrgínshíler ótkelíne jańa proektsıyalyq jaryqtandyru ornatyldy. Būl turaly qalalyq Jol qozǵalysyn ūıymdastyru jáne jolaushylar kólígí basqarmasynyń ókílderí aıtty, – dep habarlaıdy aqshamnews.kz tílshísí.
Basqarma ókílderíníń málímetínshe, atalǵan aumaq júrgínshí qozǵalysynyń joǵary qarqynyna baılanysty tańdalǵan. Būl mańda tūrǵyn úı keshenderí, qoǵamdyq kólík ayaldamalary men sauda nysandary ornalasqan, sondyqtan kólík te, adam da kóp.
Jańa jaryqtandyru ótkeldíń shekarasyn aıqyn kórsetíp, ásírese qarańǵy uaqytta júrgízushílerge júrgínshílerdí erterek baıqauǵa múmkíndík beredí. Būl jol-kólík oqıǵalarynyń aldyn aluǵa jáne qauípsízdíktí arttyruǵa yqpal etedí.
Júıe avtonomdy túrde jūmys ísteıdí jáne kóshe jaryqtandyruymen bíríktírílgen. Sonyń arqasynda ol tūraqty árí qosymsha shyǵynsyz tıímdí qyzmet etedí.
Almatyda jol qozǵalysy qauípsízdígín arttyruǵa baǵyttalǵan osyndaı zamanauı sheshímderdí engízu jalǵasyp keledí. Eger joba oń nátıje kórsetse, būl tájírıbe basqa audandarda da qoldanylady.