2025 jyly 25–27 qazan aralyǵynda Almatyda Qazaqstan Respýblıkasynyń kúniniń 35 jyldyq mereıtoı qurmetine keńeıtilgen aýyl sharýashylyǵy jármeńkesi ótedi, - dep habarlaıdy Aqshamnews.kz.
Almatylyqtar men qala qonaqtary 4 óńirden kelgen 15 aýdannyń fermerleri men aýyl sharýashylyǵy taýaryn óndirýshilerinen jańa ári sapaly ónimderdi qoljetimdi baǵamen tikeleı satyp ala alady. Jármeńke Qazybek bı kóshesinde - Abylaı han dańǵylynan Panfılov kóshesine deıingi aralyqta uıymdastyrylyp, tańǵy 08:00-den keshki 17:00-ge deıin jumys isteıdi.
İs-shara aıasynda 50-den astam taýar túri usynylady. Olardyń qatarynda et pen sút ónimderi, jemis-kókónister, shujyqtar, jarma, un, ósimdik jáne janýar maılary jáne basqa da ónimder bar. Jalpy satylymǵa shyǵarylatyn ónim kólemi shamamen 400 tonna: onyń ishinde 120 tonna - et ónimi, 100 tonna - kókónis pen jemis, 50 tonna - sút ónimderi, 130 tonna - basqa da taýarlar.