Qūlja tasjolynyń bír bólígínde ortasha jóndeu júrgízuge baılanysty qozǵalys uaqytsha shekteledí, – dep habarlaıdy aqshamnews.kz tílshísí.
24 shílde saǵat 20:00-den 27 shílde 08:00-ge deıín Būqtyrma kóshesínen qala shekarasyna deıíngí aralyqta jol jabynyn ortasha jóndeu ayasynda asfaltbetonnyń joǵarǵy qabatyn tóseuge baılanysty reversıvtí qozǵalys ūıymdastyrylady.
Kólík júrgízushílerínen uaqytsha qolaısyzdyqqa túsínístíkpen qaraudy, uaqytsha jol belgílerí men jyldamdyq rejımíníń talaptaryn saqtaudy sūraımyz.
Jóndeletín uchaskede merdíger ūıym basshysynyń baılanys aqparaty bar eskertu belgílerí men taqta qoıylady. Baǵytty aldyn ala josparlaǵan jón.
Esteríńízge sala keteıík, qozǵalysty shekteuge qatysty barlyq aqparat @AlmatyJoly Telegram arnasynda, ákímdíktíń áleumettík jelílerínde, sondaı-aq 2GIS jáne «Yandeks kartalar» servısínde jarıyalanyp otyrady.