Almatyda zamanauı qazaq romandarynyń avtorlary marapattaldy, – dep habarlaıdy aqshamnews.kz tílshísí.
Almatyda zamanauı qazaq prozasyn damytuǵa jáne avtorlardy qoldauǵa baǵyttalǵan "Qazírgí zamanǵy qazaq romany" ádebı jobasynyń jeńímpazdaryn saltanatty marapattau rásímí óttí.
Ís-sharada QR premer-mınıstríníń orynbasary – Mádenıet jáne aqparat mınıstrí Aıda Balaevanyń qūttyqtau haty oqyldy. Onda būl jobanyń ūlttyq ádebıettí damytuǵa eleulí úles qosatyny, zamanauı qoǵamdyq úderísterdí zerdeleuge yqpal etetíní, sondaı-aq uaqyt tynysyn, qoǵamnyń jaı-kúıín jáne adam taǵdyryn beıneleıtín jańa romandardyń jazyluyna jol ashatyny atap ótílgen.
Mınıstrlík málímetínshe, baıqauǵa 3 myńnan astam ótíním kelíp tústí. Íríkteu qorytyndysy boıynsha fınalǵa segíz avtor shyqty. Bas júldení "Kelndegí kókjal" romany úshín jazushy Júsípbek Qorǵasbek ıelendí. Baıqau nátıjesí boıynsha jeńímpazdyń tuyndysy ekranızatsıyalanady.
Sondaı-aq jetí avtordyń shyǵarmalary 1000 dana taralymmen jaryq kóríp, arnaıy júldemen marapattaldy. Atap aıtqanda:
Duman Ramazan - "Synaq",
Quanysh Jıenbaı - "Aralqūmdaǵy aqyrǵy ayaldama",
Nūrjan Quantaıūly - "Opasyz oıyn",
Asqar Altaı - "Kaskad",
Mūrat Almasbek - "Ekí jaǵalau",
Quat Borash - "Táube",
Aıym Aqyltaı - "Qaryz".
Saltanatty rásímde úzdík shyǵarmalardyń tanystyrylymy óttí.