Almatyda ishki qundylyqty damytý, sonyń ishinde otandyq kásipkerlikti qoldaý jóninde Almaty qalasy ákimdigi, memlekettik organdar jáne bıznes ókilderiniń ashyq kezdesýi ótti, dep habarlaıdy aqshamnews.kz
Kezdesý barysynda qalanyń jergilikti óndiristegi taýarlar men materıaldarǵa degen qajettiligi, sondaı-aq qazaqstandyq kompanıalardyń qalalyq jobalardy júzege asyrýǵa qatysý múmkindikteri talqylandy. Jıyn Almaty qalasy ákiminiń orynbasary Oljas Smaǵulovtyń tóraǵalyǵymen ótti.
İs-shara Almaty qalasy ákiminiń megapolıs uıymdarynyń satyp alý júıesinde ishki qundylyqty damytý jónindegi jumys tobyn qurý týraly ókimin iske asyrý aıasynda uıymdastyryldy. Kezdesýge bıznes qaýymdastyq ókilderi, salalyq birlestikter men Almaty qalasynyń «Atameken» Óńirlik kásipkerler palatasynyń ókilderi qatysty. Jumys tobynyń qyzmetine jaýapty organ retinde Almaty qalasynyń Kásipkerlik jáne ınvestısıalar basqarmasy belgilendi. Buǵan deıin ýaqytsha toqtatylǵan ishki qundylyqty damytý baǵytyndaǵy jumystar qaıta jandanyp, júıeli ári turaqty formatta júrgiziledi.
Otyrysta búdjettik baǵdarlamalar ákimshileri otandyq óndiristegi taýarlar men materıaldarǵa degen suranys jóninde egjeı-tegjeıli málimet qamtylǵan jyldyq josparyn usyndy. Sonymen qatar kezdesýde qalalyq ınfraqurylymdy damytý jáne jańǵyrtýǵa baǵyttalǵan josparlar tanystyryldy. Atap aıtqanda, kóshelerdi kóriktendirý, qoǵamdyq keńistikterdi qaıta jańartý, sýburqaqtar, sport saıabaqtary jáne ózge de áleýmettik mańyzy bar nysandar salý jobalary sóz boldy.
Almaty qalasy ákimdiginiń basqa qurylymdyq bólimsheleri qatysatyn mundaı kezdesýler aldaǵy ýaqytta da júıeli túrde ótkiziletini aıtyldy. Atalǵan format otandyq óndirýshilerdiń satyp alý jaıyn úılestiretin memlekettik organdarmen ózara is-qımylyn nyǵaıtýǵa, salalyq máselelerdi qozǵaýǵa jáne ónimderiniń áleýetin keńinen tanystyrýǵa múmkindik bermek.