Óńirlik komýnıkasıalar qyzmetiniń alańynda qalanyń bas sáýletshisi Almas Janbyrshy osylaı dep málimdedi.
Onyń aıtýynsha, Almatynyń Bas josparyna túzetý engizý – qalanyń ósý qarqyny men jańa syn-qaterlerdi kórsetetin strategıalyq mańyzdy qadam.
«Memleket Basshysynyń Bas josparǵa jedel ózgeris engizý týraly tapsyrmasy boıynsha biz qorshaǵan ortany qorǵaýdy kúsheıtip, qalalyq ortany damytyp, aımaqtardy qaıta bólý arqyly taý bókterin retsiz qurylystan qorǵaýdy kózdeıtin biraz jumys bitirdik», - dedi sáýletshi.
Jańartylǵan Bas jospar jobasy boıynsha qoǵamdyq tyńdaý bıylǵy jyldyń 24–26 jeltoqsan kúni ótpek. Ótetin ýaqyty men ornyn qala turǵyndaryna aldyn ala habarlap aıtady.
«Ár almatylyq óz aýdanynyń qalaı damıtynyn bilýi úshin jobamen tanysa alady: qaı jerde mektep, jol, emhana, saıabaq salynatynyn, sondaı-aq salynýy múmkin qurylys jóninde aldyn ala bile alady. Bul turǵyndarǵa baspanaǵa qatysty sheshimder qabyldaýǵa kómektesedi. Ár adam pikir bildire de alady, ony mindetti túrde eskeremiz», - dep atap ótti Almas Janbyrshy.