Almatynyń Jol ınfraqurylymyn damytý basqarmasy bıylǵa josparlanǵan kóshelerdiń ortasha jóndeý jumystaryn tolyq aıaqtady.
Ortasha jóndeý aıasynda jol boıyna jańa asfált tóselip, trotýarlardyń buzylǵan tustary men aryq júıeleriniń naýalary qalpyna keltirildi.
Jalpy 347 kóshe, uzyndyǵy 281 shaqyrym jol jóndeýden ótti. Sonyń ishinde uzyndyǵy 40 shaqyrym bolatyn 15 magıstraldyq kóshedegi jóndeý jumystary 1 qyrkúıekte aıaqtaldy. Bul Qabanbaı batyr, Qajymuqan, Jubanov, Ulyqbek, Maılın, Buqtyrma, Móńke bı, Bekmahanuly, Dýlatı, Serkebaev, Jarokov, Tóle bı, Bógenbaı batyr, Tilendıev kósheleri men Nazarbaev dańǵylynyń ýchaskeleri. Sonymen qatar, uzyndyǵy 241 shaqyrym bolatyn aýdandyq mańyzy bar 332 kóshe ortasha jóndeýden ótti.
Aýdandarǵa bólsek:
Alataý aýdany — 132 kóshe
Naýryzbaı aýdany — 30 kóshe
Medeý aýdany — 44 kóshe
Jetisý aýdany — 37 kóshe
Túrksib aýdany — 54 kóshe
Almaly aýdany — 9 kóshe
Bostandyq aýdany — 30 kóshe
Áýezov aýdany — 11 kóshe
Buǵan qosa, Alǵabas, Álmerek, Shuǵyla, Aqjar, Boraldaı, Jas Qanat, Rahat-Mádenıet shaǵynaýdandarynda bıyl 35 shaqyrym jańa jol salyndy. Osylaısha, jaqsy jáne qanaǵattanarlyq jaǵdaıdaǵy joldyń úlesi 95 paıyzǵa jetti.