Jańajyldyq mereke kúnderí Almaty qalasynyń jedel medıtsınalyq járdem qyzmetí shtattyq rejımde, írkílíssíz jūmys ístedí. 31 jeltoqsannan 4 qańtarǵa deıín medıtsına qyzmetkerlerí 11 myńnan astam ótínísh qabyldap, sáttí reanımatsıya jasap, típtí keı adamdardy úıde bosandyrǵan. Osylaısha qala tūrǵyndaryna táulík boıy medıtsınalyq kómek kórsetíldí, - , - dep habarlaıdy aqshamnews.kz tílshísí.
Óńírlík kommunıkatsıyalar qyzmetínde ótken baspasóz konferentsıyasynda Almaty qalalyq jedel medıtsınalyq járdem qyzmetí dırektorynyń orynbasary Andreı Lojkın osylaı dep habarlady.
Onyń aıtuynsha, mereke kúnderí kún saıyn 24/7 rejımínde 189 brıgada jelíde jūmys ístegen. 500-den astam qyzmetker - dárígerler, feldsherler, júrgízushíler, kíshí medıtsınalyq jáne tehnıkalyq personal eńbek etíptí.
Jalpy, 2025 jylǵy 31 jeltoqsan men 2026 jylǵy 4 qańtar aralyǵynda jedel járdem qyzmetíne 11 158 ótínísh túsíp, onyń 10 059-yna baryp qaıtty. Jedel járdemge eń kóp qońyrau ádettegídeı jańa jyl túní túsken. 1 900 shaqyrtu tírkelíptí, būl ortasha táulíktík kórsetkíshten shamamen 600-ge az.
Mereke kúnderí shaqyrtu qūrylymy qalypty deńgeıde qalyp, demalys nemese saltanatty kúnderge táueldí bolǵan joq. Kóbínese tūrǵyndar tynys alu júıesí aurularyna baılanysty - 22,53 paıyz, júrek-qan tamyrlary júıesí aurulary boıynsha - 17,28 paıyz, sondaı-aq jaraqattar men ulanularǵa baılanysty - 14,5 paıyz jedel járdemge júgíngen. Andreı Lojkınníń aıtuynsha, būl úrdís jyldan jylǵa qaıtalanyp keledí.
«Pırotehnıkadan jaraqattanyp qalatyndarǵa medıtsına qyzmetkerlerí erekshe nazar audardy. Bıyl mūndaı 20 oqıǵa tírkeldí, onyń 11-í balalar. Eń jas zardap shekken bala 4 jasta boldy. On adam jedel járdemmen statsıonarǵa jetkízíldí, jeteuí dárígerge óz betínshe júgíníp, úsheuí jaraqaty jeńíl bolǵandyqtan auruhanaǵa jatudan bas tartty», - dedí Andreı Lojkın.
Sonymen qatar, mereke kúnderí jedel járdem qyzmetkerlerí bes sáttí reanımatsıya jasaǵan. Úsh adamdy úıde bosandyryp, bír ūl men ekí qyzdyń dúnıege keluíne kómektesíptí.
Jedel medıtsınalyq járdem qyzmetí qaı kúní bolsyn kómekke mūqtaj ár adamǵa jedel árí sapaly medıtsınalyq kómek kórsete beredí.