Marapattalǵandar tízímínde elímízdíń áleumettík-ekonomıkalyq jáne mádenı damuyna eleulí úles qosqan almatylyqtar boldy.
Qazaqstan Prezıdentí Qasym-Jomart Toqaevtyń atynan memlekettík nagradalardy Almaty qalasynyń ákímí Erbolat Dosaev 84 tūrǵynǵa saltanatty túrde tapsyrdy, dep habarlaıdy Almaty-akshamy.kz
Marapattalǵandar tízímínde elímízdíń áleumettík-ekonomıkalyq jáne mádenı damuyna eleulí úles qosqan almatylyqtar boldy.
Olardyń qatarynda Almaty qalasynyń Qūrmettí azamaty, Almaty qalalyq ardagerler ūıymynyń tóraǵasy, III dárejelí «Barys» ordenímen marapattalǵan Aqan Bıjanov bar. Memleket basshysynyń Jarlyǵymen «Parasat» ordenímen Natalya Sats atyndaǵy balalar men jasóspírímderge arnalǵan memlekettík akademıyalyq orys teatrynyń jetekshí aktrısasy Valerıya Krymskaya jáne eńbek ardagerí, konkımen syrǵanaudan eńbek síńírgen jattyqtyrushy Maı Hvan marapattaldy. Qazaqstannyń eńbek síńírgen qaıratkerí qūrmettí ataǵy kompozıtor, qazaq ūlttyq qyzdar pedagogıkalyq unıversıtetíníń professory, 80-nen astam án avtory Agıme Isaǵūlovaǵa beríldí.
Sondaı-aq, būl kúní qala ákímí Memleket basshysynyń atynan almatylyqtarǵa «Qūrmet», «Eńbek dańqy» ordenderín, «Eren eńbegí úshín», «Shapaǵat» jáne t.b. medaldardy tabys ettí. Memlekettík nagradalarmen atap ótílgenderdíń qatarynda densaulyq saqtau, bílím beru, mádenıet, bıznes jáne ónerkásíp, qūrylys, kólík jáne energetıka salalarynyń ókílderí, qoǵam jáne sayası qaıratkerler, memlekettík qyzmetshíler jáne basqalar bar.
Atap óterlík jaıt, merekelík kúnder kúntízbesíne 13 jyldan keıín oralǵan Respublıka kúní qarsańynda memlekettík nagradalardy tapsyrudyń saltanatty rásímí osydan 32 jyl būryn Qazaq KSR Memlekettík Egemendígí turaly Deklaratsıya qabyldanǵan zalda óttí.
Ís-sharaǵa Qazaqstan halqy Assambleyasynyń, qalanyń qoǵamdyq keńesíníń, jastar ūıymdarynyń ókílderí, mádenıet qaıratkerlerí, JOO rektorlary, máslıhat deputattary jáne t.b. qatysty.