Almaty ákímí Darhan Satybaldy Almatydaǵy Majarstannyń Bas konsuly Sabolch Karoı Syokemen kezdestí, – dep habarlaıdy aqshamnews.kz tílshísí.
Kezdesu barysynda taraptar Almaty men Majarstan arasyndaǵy sauda-ekonomıkalyq, ınvestıtsıyalyq, turıstík, bílím beru jáne mádenı-gumanıtarlyq yntymaqtastyqty odan árí damytu máselelerín talqylady.
Majarstannyń Qazaqstannyń Europadaǵy mańyzdy seríktesteríníń bírí ekení atap ótíldí. 2025 jyldyń qorytyndysy boıynsha Almaty men Majarstan arasyndaǵy tauar aınalymy 106 mıllıon AQSh dollaryna jettí. Taraptar farmatsevtıka, agroónerkásíptík keshen, jasyl tehnologıyalar, tsıfrlandyru jáne qala ınfraqūrylymy salalaryndaǵy yntymaqtastyqty keńeıtudíń zor áleuetí bar ekenín jetkízdí.
Kezdesude ınvestıtsıya tartu jáne ekí eldíń kásípkerlík qauymdastyqtary arasyndaǵy ískerlík baılanysty nyǵaıtu máseleleríne erekshe nazar audaryldy. Sondaı-aq, turızm, bílím beru jáne ǵylym salalarynda bírlesken jobalardy júzege asyru múmkíndíkterí qarastyryldy.
Almaty men Majarstannyń joǵary oqu oryndary arasyndaǵy akademıyalyq yntymaqtastyqtyń mańyzdylyǵy da erekshe atap ótíldí. Majarstan tarapy Stipendium Hungaricum baǵdarlamasy ayasynda qazaqstandyq studentterge bílím granttaryn ūsynudy jalǵastyryp keledí. Būl gumanıtarlyq baılanysty damytuǵa jáne bílíktí mamandar dayarlauǵa yqpal etedí.
Taraptar ekíjaqty yntymaqtastyqty odan árí keńeıtuge múddelí ekenderín bíldíríp, seríktestík qarym-qatynastardy nyǵaıtuǵa baǵyttalǵan jańa bírlesken bastamalardy júzege asyruǵa daıyn ekendíkterín rastady.
Kezdesu qorytyndysy boıynsha óńíraralyq yntymaqtastyqty damytuǵa, ınvestıtsıyalyq baılanysty keńeıtuge jáne ózara tıímdí bírlesken jobalardy ílgeríletuge degen ortaq qyzyǵushylyq taǵy bír márte rastaldy.