Almatyda mádenıet jáne óner qyzmetkerlerí marapattaldy, – dep habarlaıdy aqshamnews.kz tílshísí.
21 mamyr – Mádenıet jáne óner qyzmetkerlerí kúníne oraı Almatyda mádenıet jáne óner salasy ókílderín marapattau rásímí óttí. Ís-shara barysynda qyzmetkerlerge memlekettík jáne vedomstvolyq marapattar, QR Mádenıet jáne aqparat mınıstríníń Qūrmet gramotalary, sondaı-aq Almaty ákímí Darhan Satybaldynyń atynan Alǵys hattar tabystaldy.
Saltanatty jıynda Almaty qalasy ákímíníń orynbasary Abzal Núkenov mádenıet salasy qyzmetkerlerín kásíbı merekesímen qūttyqtap, bírqatar azamatqa memlekettík jáne vedomstvolyq marapattardy tabystady.
Ís-shara barysynda ol mádenıet pen óner salasynyń qoǵamnyń ruhanı damuyna zor úles qosyp kele jatqanyn atap óttí.
«Sízder sahnada da, sahna syrtynda da qalam men qylqalam, muzyka men bı, teatr men kıno arqyly qoǵamnyń ruhanı jańǵyruyna, ūlttyq qūndylyqtardy dárípteuge ólsheusíz eńbek síńíríp kelesízder. Mádenıet salasynyń damuyna qosqan úlesteríńíz úshín shynaıy alǵys bíldíremín», – dedí ol.
Atap aıtqanda, Qazaqstan Respublıkasy Prezıdentíníń Jarlyǵymen mádenıet salasyndaǵy eleulí eńbegí jáne el aldyndaǵy aıryqsha qyzmetí úshín Ahmet Baıtūrsynūly muzeı-úıíníń basshysy Raıhan Sahybekqyzy Imahanbet «Qūrmet» ordenímen marapattaldy. Sondaı-aq, «Almaty áuenderí» shyǵarmashylyq bírlestígíníń solısí Abzal Serǵazyūly Aryqbaev «Eren eńbegí úshín» medalímen marapattaldy.
Mádenıet pen ónerdí damytuǵa qosqan zor úlesí úshín «Eńbek ardagerí» medalímen kelesí sala mamandary marapattaldy:
Ahmet Baıtūrsynūly muzeı-úıíníń ǵylymı qyzmetkerí Shara Ábíkenqyzy Bozdaqova;
Qazaq memlekettík tsırkíníń tsırk nómírleríníń jetekshísí Qūrmanǵalı Mūqashūly Dosbatyrov;
«Dáuír» baspasynyń elektromehanıkalyq tsehynyń bastyǵy Jamal Kamalūly Momyshov;
«Atamūra» baspasynyń jetekshí redaktory Irına Fedorovna Samoılyuk;
Mádenıet salasynyń ardagerí Gúlnár Qūdabaeva;
«Mektep» baspasynyń kítap satu jáne taratu bólímíníń mamany Márzıya Túsípjanqyzy Manabova;
Qazaqstan Respublıkasynyń mádenıet qaıratkerí, ánshí, termeshí Bıbajar Mahanbetova.
Sonymen qatar «Mádenıet salasynyń úzdígí» tósbelgísímen:
Almaty qalasy Mádenıet basqarmasy Arhıvter jáne qūqyqtyq qamtamasyz etu bólímíníń bas mamany Almaz Qaıyrylbekūly Sartaev;
«Almaty áuenderí» kontsertterdí ūıymdastyru bólímíníń basshysy Meruert Baqytjanqyzy Mūhamedjanova;
«Alatau» dástúrlí óner teatrynyń artısterí Sattar Qojambıūly Erubaev pen Ońdasyn Imanǵalıūly Besíkbasov;
Ál-Farabı atyndaǵy Qazaq ūlttyq unıversıtetí Tarıh fakultetíníń professory Dosbol Súleımenūly Baıǵūnakov;
«Almaty áuenderí» sahnanyń tehnıkalyq qyzmet kórsetu bólímíníń basshysy Ádíl Tūmanbekūly Temírjanov;
«Art Forum of Kazakhstan» halyqaralyq shyǵarmashylyq ūıymynyń sarapshylary, Ahmet Jūbanov atyndaǵy respublıkalyq qazaq mamandandyrylǵan muzyka mektep-ınternatynyń oqytushylary Gúlnár Ánuarbekqyzy Qasymova men Dına Tūrlyqojaqyzy Bazarova marapattaldy.
Sondaı-aq, Qazaqstan Respublıkasynyń Mádenıet jáne aqparat mınıstrí Aıda Ǵalymqyzy Balaevanyń atynan bírqatar sala mamanyna Qūrmet gramotalary tabystaldy. Atap aıtqanda:
QR Ūlttyq memlekettík kítap palatasynyń bıblıografy Aıjan Bektenqyzy Ilgıtaeva;
«Dáuír» baspasynyń terím tsehynyń basshysy Svetlana Qasymqanqyzy Mamytqanova;
Almaty qalasy muzeıler bírlestígíníń qorlardy saqtau jáne esepke alu bólímíníń qor saqtaushysy Almas Satybaldyūly Seısekenov;
Memlekettík quyrshaq teatrynyń artısí Gúlvıra Jūmaqanqyzy Beısembaeva marapattaldy.
Mınıstrdíń atynan Alǵys hatpen:
«Alatau» dástúrlí óner teatrynyń artısí Kenjegúl Ílıyasqyzy Jorabaeva;
teatrdyń ádebıet bólímíníń mamany Ardaq Orazǵalıūly Berkímbaev;
«Almaty áuenderí» shyǵarmashylyq bírlestígíníń «AlJazz Symphony» estradalyq-sımfonıyalyq orkestríníń aspapshy-artısí Sergeı Vıktorovıch Golıvets marapattaldy.