Almaty ákímí B. Saǵyntaevtyń tóraǵalyǵymen ótken apta saıynǵy apparattyq keńeste Nur Otan partıyasynyń saılaualdy baǵdarlamasyn oryndau jóníndegí «Jol kartasynyń» aralyq qorytyndylary, halyq sanaǵynyń barysy, joldar men qoǵamdyq keńístíkterdíń jaǵdaıy qaraldy
«Jol kartasyn» oryndau ayasynda «Ekonomıkalyq ósu» baǵyty boıynsha 187 mlrd teńge somasyna 21 ınvestıtsıyalyq joba íske asyryldy. Jyl sońyna deıín 186,7 mlrd teńgeníń taǵy 21 jobasyn íske qosu josparlanyp otyr. Í jartyjyldyqtyń qorytyndysy boıynsha Almatynyń JÓÓ NKI 105,5%-dy qūrady, al kólemí – 5,8 trln teńge, dep habarlaıdy Almaty-akshamy.kz
Jyl basynan berí 53,1 myń jańa jūmys orny qūryldy, būl ÍÍ toqsannyń qorytyndysy boıynsha jūmyssyzdyq deńgeıín 5,3%-dan 5,1%-ǵa deıín tómendetuge múmkíndík berdí. Ortasha aılyq jalaqy 296 myń teńgení qūrady.
«Shetsíz qala» qaǵıdatyn íske asyru ayasynda 24 shaǵyn audanda 36,5 myń úıdí qamtıtyn 92 km su qūbyry jáne 77 km káríz jelílerí tartyldy. Nátıjesínde qala tūrǵyndarynyń 98,4%-y sapaly auyz sumen qamtamasyz etíldí. Sondaı-aq, jyl basynan berí 518 kóshe jaryqtandyryldy. Jyl sońyna qaraı kóshelerdí tolyq jaryqtandyrylatyn bolady. Tabıǵı gaz jelílerí 99,2%-ǵa deıín qoljetímdí.
Qala ákímí Baqytjan Saǵyntaev partıyanyń «Jol kartasyna» engízílgen jobalardyń íske asyrylu merzímíne baqylaudy kúsheıtudí tapsyrdy.
Halyq sanaǵyna keletín bolsaq, qazírgí uaqytta onlaın jáne oflaın formatta 2 089 540 respondent qamtyldy. Būl qala halqynyń aǵymdaǵy sanynyń 104,19% qūraıdy. Onlaın-format 21 qazanda jańartyldy. Sanaq nauqany 30 qazanǵa deıín jalǵasady.
Erekshe nazar audarylatyn joldar men qoǵamdyq keńístíkterdíń jaǵdaıy jeke qaraldy. Qalanyń kóshe-jol jelísíníń jalpy ūzyndyǵy – 3097 km, onyń 299 km qatty jabyny joq. Jaqsy jáne qanaǵattanarlyq jaǵdaıdaǵy joldardyń úlesín 80%-dan 83%-ǵa deıín arttyru maqsatynda jańalaryn jóndeu jáne salu jūmystary júrgízílude.
Jyl basynan berí jalpy audany 214 myń sh.m. joldarda aǵymdaǵy jóndeu jūmystary júrgízíldí, 31 km trotuar, 65 ayaldama alańy jóndeldí. Qysqy kezeńde shūńqyrlardy jóndeu úshín 5 bírlík arnaıy tehnıka – termos-bunkerler satyp alyndy, 200 tonna arnaıy qysqy asfalt daıyndaldy.
Ūzyndyǵy 201,1 km josparlanǵan 206 kósheníń 197 kóshesíne ortasha jóndeu jūmystary júrgízíldí, qalǵan 9 kóshe boıynsha jūmystardy qazan aıynyń sońyna deıín ayaqtau josparlanuda.
Jandosov kóshesí boıyndaǵy BRT jelílerí Súleımenov kóshesínen Úlken Almaty ózeníne deıín, Tausamaly shaǵyn audanyndaǵy Qonaev kóshesí Yassauı kóshesínen Rysqūlov kóshesíne deıín rekonstruktsıyalanuda.
Alty shaǵyn audanda (Shańyraq-5, Nūrshashqan, Samǵau, Álmerek, Qaırat, Ójet) joldardy salu men kúrdelí jóndeu ayaqtaldy. Taǵy ekeuínde (Qūramys, Duman) jūmysty qarasha aıynda ayaqtau josparlanuda.
B. Saǵyntaevtyń tapsyrmasy boıynsha josparlanǵan jūmys kólemí ayaqtaluy tıís.
Rekreatsıyalyq aımaqtardy qūru maqsatynda jańa qoǵamdyq keńístíkterdí jóndeu jáne salu júrgízílude. Sońǵy 2 jylda 84 nysan íske qosyldy. Atap aıtqanda, aǵymdaǵy jyly «Mayak» toǵaıy, Kókmaısa shaǵyn audanyndaǵy «Esentaı» ózeníníń jaǵalauy, Tau qyrat shaǵyn audanyndaǵy uchaske, «Jarbūlaq» jáne «Tíksaı» ózenderíníń arnalary abattandyryluda.
Selden qorǵau bógetínen №1 tūndyrǵyshqa deıín Úlken .Almaty ózeníníń su qorǵau beldeuí men arnasyn rekonstruktsıyalau júrgízíletín bolady. 15 nysan boıynsha jobalar ázírlenude. Sonyń íshínde, Alatau audanyndaǵy Ójet shaǵyn audanyndaǵy toǵan boıyndaǵy jáne Boraldaı ózeníníń boıyndaǵy jasyl aımaqtar abattandyrylady. Sonymen qatar, Medeu audanynyń Alatau shaǵyn audanyndaǵy Ibragımov kóshesíníń boıyna skver salu qarastyrylǵan. Nauryzbaı audanyndaǵy Qarǵaly ózeníníń jaǵalauyn, ÚAK soltústígín jáne Alatau audanyndaǵy Jańa Saın kógaldandyru josparlanuda.
B. Saǵyntaev Jańa Almatynyń qalaǵa qosylǵan shaǵyn audandarynda jaıly qoǵamdyq keńístík qūrudyń mańyzdylyǵyn atap óttí. Tūrǵyndar balalarǵa arnalǵan oıyn jáne sport alańdaryn qūra otyryp, sayabaqtar men demalys oryndaryn salu qajettílígí turaly bírneshe ret ótínísh bíldírdí. Sondyqtan megapolıs ákímí jobalardy ázírleu jáne íske asyru kezínde qala tūrǵyndarynyń píkírlerí men tílekterín eskerudí tapsyrdy.